• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:34:59
Qazaqstan Ýkraınanyń saýda naryǵyna alańdaýly

08 Qarasha, 2019 NEWS

Shymkentte bıyl VICh ınfeksııa juqtyrǵan 38 ana deni saý bala týǵan

Shymkentte bıylǵy 10 aıda 128 adamnan VICh ınfeksııasy anyqtalǵan dep habarlaıdy Qamshy.kz aqparat agenttigi astanatv.kz saıtyna silteme jasap.

Sonyń toǵyzy júkti áıelderden tabyldy.  JITS ortalyǵy mamandary aıaǵy aýyr jandar emdelýden bas tartqan jaǵdaılary bolǵanyn aıtty. Jalpy jyl basynan shaharda 38 bala týǵan. Adamnyń ımmýn tapshylyǵy vırýsy anadan balaǵa juǵý jaǵdaıy tirkelmegen.

SPID ortalyǵyndaǵylardyń esebinshe kúni búginge deıin óńirde 296 bala dúnıege kelgen. Olardyń bári ata-analarynyń taǵaıyndalǵan emdi udaıy qabyldaýynyń nátıjesi dedi. Mamandar bıyl aty jamaý aýrý anyqtalǵandardyń qatarynda sheteldikterdiń de baryn alǵa tartyp otyr. Olar da jergilikti halyq sııaqty tegin em qabyldaı bastaǵan.

Qojahmet Mashırov, Shymkent qalalyq JITS ortalyǵynyń bas dárigeriniń orynbasary: Arnaıy ǵalamdyq qordyń granty esebinen tegin em júrgizilip jatyr. -Qansha azamat bar? - Bizdiń Shymkentte búgingi kúnde 4 shetel azamaty bas bostandyǵynan aıyrý oryndarynda jáne úsh shetel azamaty týberkýlezge qarsy dıspanserde emdelip, solar basqa emnen bólek osy AITV ınfeksııasyna tegin em qabyldap jatyr.

1-qarashadaǵy málimet boıynsha SPID ortalyǵynda 1 400-den astam adam esep tur. Onyń 11-i medısına qyzmetkerleriniń salǵyrttyǵynan juqtyrǵandar. Mamandar sonyń beseýi búginde otbasyn quryp, jeti perzent súıip úlgergenin jetkizdi. Olardyń juptary da, dúnıege kelgen sábıler de keselden din aman. Ortalyqtaǵylar muny taǵaıyndalǵan emdi ýaqytyly qoldanýdyń nátıjesi dep otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir