• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:06:19
Qazaqstan Ýkraınanyń saýda naryǵyna alańdaýly

07 Qarasha, 2019 NEWS

Qazaqstan depýtattary men olardyń sheteldik áriptesteri qansha jalaqy alady?

Búginde «halyq qalaýlylarynyń» ortasha eńbekaqysy 700 myń teńge. Jalaqy kólemi eńbek ótili men parlamenttegi qandaıda bir komıtetke músheligine baılanysty belgilenedi. Jalaqyǵa qosymsha depýtattar qyzmettik páter, qyzmettik kólik, elishilik, sheteldik issaparlardyń bıýdjetten tólenýi, tegin medısınalyq kómek, kómekshileriniń shyǵyndarynnyń ótelýi syndy ıgilikterdi paıdalanady. Bulardy qosa eseptegende depýtatqa ketetin shyǵyn jalaqy somasynan eki-úsh esege kóbeıedi, dep jazady forbes.kz.

Eldegi ortasha aılyq jalaqy qazan aıynda 189 myń teńgeni quraǵanyn, eń tómengi jalaqy 42 500 teńge ekenin eskersek, aq jaǵalylardyń aılyǵy ortasha eńbekaqydan 3,7 ese, eń tómengi jalaqydan 16,5 esege kóp.

Qazaqstan jaǵdaıy úshin depýtattar aılyǵy tipti de jaman emes. Al sheteldik áriptesterimen salystyrǵanda birinen kóp, endi birinen az. Máselen, soltústik kórshi – Reseıde depýtattar 400 myń rýbl (2,4 mln teńge) alady. Ondaǵy eń tómengi jalaqy 11 280 rýblǵa (68 myń teńge) teń. Demek reseılik depýtattarǵa eń tómengi jalaqy alatyn azamattan 35,5 ese kóp jalaqy tólenedi. Úı, kólik syndy jaıly jaǵdaılardy qosa eseptegende bir depýtatqa ketetin aılyq shyǵyn 1,5 mln rýblǵa (9 mln teńge) deıin artady.

Ýkraınadaǵy Joǵarǵy rada depýtattary aıyna 40 myń grıven (632 myń teńge) tabady. Bul tómengi jalaqy mólsherinen (4173 grıven – 66 myń teńge) 9,5 esege joǵary.

Belarýste depýtattardyń tabysy 3687 belarýs rýbli (701 myń teńge), tómengi jalaqy 33 rýbl (66 myń tg).

Qyrǵyzstandyq Joǵarǵy keńes depýtattary TMD elderi arasyndaǵy eń tómengi jalaqy alatyndardyń biri. Qyrǵyz parlamentindegi ortasha jalaqy 30 myń som (167 100 tg). Al eldegi tómengi jalaqy mólsheri 1200 som (6684 tg).

Eýropa elderine kelsek, Lıtvada depýtattyń ortasha jalaqysy 2963 eýro (1 mln 280 myń tg), tómengi jalaqy 550 evro (237 600 tg). Polshada depýtattar 8017 zlota (809 myń tg) tapsa, tómengi jalaqy 2250 zlotaǵa (227 250 tg) teń.

Eýroparlament depýtattary aıyna 6825 eýro (2 mln 950 myń tg) alady. Tek eýroparlament músheleri qaı eldiń ókili ekenine qaraı salyq tóleıtindikten, jalaqylary ártúrli shamada kemı túsedi.

Germanııadaǵy býndestag depýtattary tabatyn tabys 10 083 eýro (4 mln 356 myń tg), tómengi jalaqy 1584 eýro (685 myń tg) shamasynda.

Ulybrıtanııada "halyq qalaýlylarynyń" eńbekaqysy 6622 fýnt sterlıng (3 mln 318 myń tg). Bul tómengi jalaqydan (1698 fýnt, 850 700 tenge) 3,9 esege kóp.

Eń joǵary jalaqy alatyn depýtattar sapynda ıtalııalyq parlament ókilderi de bar. Olar aıyna 10 435 eýro (4,5 mln tenge) jalaqy alady. Bul elde tómengi jalaqy degen túsinik joq, "azamattyq tabys" degen uǵym bar. "Azamattyq tabys" Italııada 780 eýro (337 myń). Aıyrmashylyq – 13,4 ese.

Al AQSh-ta qos palata ókilderine aıyna 14,5 myń dollar (5 mln 655 myń tg) tólenedi. Amerıkada tómengi jalaqy mólsheri ár shtatta ártúrli. Shamamen aıtqanda bir saǵattyń aqysy 7,25 dollar. Jumys aptasy 40 saǵattan turady dep eseptegende tómengi jalaqy aıyna $1 160 nemese 452 400 teńgeni quraıdy. Keı shtattarda kórsetkish budan joǵary.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir