07 Qarasha, 2019 NEWS

Qazaqstandyqtardyń aqshalaı aýdarymdary tekseriledi

Qarjy mınıstrligi salyqtan jaltarǵan kásipkerlerdi anyqtaý úshin qazaqstandyqtardyń aqshalaı aýdarymdaryn tekseredi. Bul týraly búgin birinshi qarjy vıse-mınıstri Berik Sholpanqulov aıtty, – dep Qamshy.kz aqparat agenttigi habarlaıdy.

Qarjy mınıstrliginiń aıtýynsha,  Kaspi bankiniń ǵana emes, barlyq ekinshi deńgeıli bankter arqyly aýdarylatyn elektrondy aqshanyń bir bóligine salyq salý josparlapyp otyr.

"Eger adam kiris alatyn bolsa, elektrondy túrde júrgiziletin prosedýralarǵa salyq salynýy tıis. Eger ol adamnyń tabysy bolsa. Salyq mólsheri ártúrli. Máselen, eger ol jeke kásipker bolsa, onda jeke tabys salyǵy, eger zańdy tulǵa bolsa, korporatıvti tabys salyǵy, qosymsha qun salyǵy jáne taǵy basqalary." – dep vıse-mınıstr BAQ ókilderine jaýap qatty.

"Máselen, eger siz kommýnaldyq esepshotty tóleseńiz ony tekserýge bolady ǵoı. Atalǵan qarjyny alýshy bar. Oǵan Salyq komıteti monıtorıng júrgizedi. Eger ártúrli jeke tulǵalardan tólem túsetin bolsa, onda ol adam kenetten 1 myń teńgeden ala bastady? degen suraq týyndaıdy. Onyń kiris alyp jatqandyǵy da túsinikti. Al siz ákeńizge aqsha jiberseńiz onyń kiris emestigi túsinikti", – deıdi  Sholpanqulov.

Odan ózge ol adamdardyń naýqasqa aqsha jınaý maqsatynda qarajat aýdarymdaryna qatysty máseleniń basyn ashyp berdi.

"Munyń barlyǵy artynan tekseriledi. Salyq qyzmeti tekseretin bolady. Tólem mártebesi engizilip qalar. Máselen, aqsha aýdarymy taýarǵa nemese qaıyrymdylyqqa aýdaryldy degen sııaqty. Iаǵnı, saralaý júrgizilýi tıis, barlyq tólemder belgilenip otyrýy qajet. Eger jaqynyn qoldaýǵa aýdarsa, bir túri, taýar satyp alsa, basqa túri, túbirtek almaısyzdar ǵoı. Ol eski veleosıped sattyń ba, birden bizde salyq degendeı bolmaıdy", – dep málim etti.

Senat kýlýarynda mınıstrlik tólem statýsyn engizýdi josparlap otyr. Iаǵnı, tólem túrlerine ataý beriletin bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir