• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:50:26
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Merkilik mektepterdiń barlyǵy ınternetpen qamtylǵan

Tutas álem sıfrlandyrýdyń sıqyryna ergen zamanda qazaqstandyq mektepterge zaman kóshinen qalmaı, básekege qabiletti bilimdi urpaq tárbıeleý úshin bilim berý uıymdaryn sırflandyrý óte ózekti másele sanalady. «Sıfrlyq Qazaqstan» memlekettik baǵdarlamasy aıasynda júzege asyp jatqan bilim berý uıymdaryn sıfrlandyrý isi Merki aýdanynda da júıeli júrgizilýde. Búginde aýdandaǵy 36 mekteptiń barlyǵy da ınternet jelisine qosylǵan, dep jazady Qamshy.kz aqparat agenttigi. 

Merki aýdanyndaǵy mekteptiń 47 paıyzy sym jelileri boıynsha keń jolaqty ınternetke qosylsa, qalǵan 53 paıyzy wi-fi jelisimen 4-10 megobıt/sek-ten joǵary jyldamdyq ǵalamtorǵa qosylady. Keń jolaqty ınternetpen qamtylý nátıjesinde 36 mektepte «Kúndelik» jobasymen jumys jasaýda eshqandaı másele týyndamaıdy. Sol sekildi aýdan mektepteriniń barlyǵy da «Bilimland» sıfrlyq bilim berý resýrstary portalymen qamtamasyz etilgen.

Búginde aýdandar 4 IT synyby jumys jasaıdy. Onyń alǵashqysy 2018 jyly ashylǵan bolsa qalǵan úsheýi ındıkatorlyq kórsetkishterge saı aǵymdaǵy jyly iske qosylǵan. Munan bólek 20 mektep robototehnıka kabınetterimen jabdyqtalǵan. Sondaı-aq aýdandaǵy barlyq mektepke wi-fi jelisi tartylǵan. Aımaqtaǵy bilim oshaqtaryndaǵy 641 oqý kabınetiniń 557-si kompıýtermen qamtamasyz etilgen. Qazirgi tańda aımaqtaǵy balabaqshaǵa balalardy kezekke qoıý jáne joldama alý aqparattyq júıesi edugarden.kz saıty arqyly júzege asyrylyp jatyr. Bul júıe aýdandaǵy 37 mektepke deıingi bilim berý uıymynyń barlyǵyna engizilgen. Sonymen qatar aýdandaǵy barlyq mektepterde oqýshylardy 1 synypqa qabyldaý eduschool.kz saıtynda qolǵa alynǵan. Sáıkesinshe bul joba arqyly ata-analar úıinen shyqpaı-aq balalarynan balabaqsha kezegine qoıyp, mektepke qabyldaýǵa qajetti qujattaryn elektrondy rejımde tirkeı alady. О́z kezeginde pedagogtardy jumysqa qabyldaýdy basqarý jáne bos jumys oryndary kezegi jumys.sitsen.kz aqparattyq júıesi avtomattandyryldy.

Jańa oqý jylynda mektepterdiń kompıýtermen úlesin arttyrý maqsatynda 73 komplekt kompıýter alý josparlanǵan. Sondaı-aq, hımııa, fızıka, bıologııa pánderine arnalǵan 3 jańa modıfıkasııaly kabınet alyndy. Bul maqsatta oblystyq bıýdjetten 22 mıllıon 743 myń teńge qarjy qaraldy. Mektepterge qajetti 170 komplekt ınteraktıvti qural jabdyqtar da alý josparlanyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir