• USD 389.52
  • EUR 429.21
  • RUB 6.07
  • CNY 54.94
30 Qańtar, 04:04:47
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

"El tiregi – eńbek adamy"

Byltyr «SK GROUP» úkimettik emes uıymdar qaýymdastyǵy Tarazda tuńǵysh márte «Qoǵamdyq leksııa» atty arnaıy jobany qolǵa alyp, ol boıynsha oblysqa, tipti respýblıkaǵa tanymal birneshe zııaly qaýym ókilderi men mádenıet, óner, ádebıet, sport, saıasat, kásipkerlik, óndiris sekildi ózekti salalarda jurtshylyqqa keńinen tanymal bolǵan tulǵalardy jastarmen kezdestirip, olardyń jetistikke jetý jolyn, ómirde kórgen-túıgenin, aıtar aqyl-keńesin erkin-suhbat túrinde uıymdastyryp kelgen edi, dep jazady Qamshy.kz aqparat agenttigi. Bıyl mine, jobanyń ekinshi maýsymynda M.Úrkimbaev atyndaǵy «Jastar saraıyna» lektor retinde oblystyq kásipodaqtar birlestiginiń tóraǵasy Meırambek Tólepbergen shaqyrylyp, emen-jarqyn áńgime órbitti.

–Joba Elbasymyz Nursultan Ábishuly Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen mindetterdi júzege asyrý, jastardyń boıyna ulttyq qundylyqtardy sińirý, olardyń básekege barynsha qabiletti, jan-jaqty bolýyna jaǵdaı jasaý maqsatynda júzege asyrylyp otyr. Negizinen bul jobany elimizge belgili jýrnalıst Rýslan Joldybaı aǵamyz alyp kelgen bolatyn. Biz de osy jobany júzege asyrý arqyly ultqa tán ıgilikter men adamı qundylyqtardy qunttaý maqsatynda jas urpaqty elge qyzmet etetin azamat retinde tárbıeleýdi kózdedik. Belgili tulǵalardyń jetistigin osylaı dáripteı alsaq, ult urpaǵy eńbeksúıgish, jańashyl, iskerlik qabiletke ıe bolady degen oıdamyz, – deıdi erkin suhbatty júrgizgen joba avtory, oblys ákimdigi jastar saıasaty máseleleri basqarmasynyń basshysy Serikbol Berikqoja.

«El tiregi – eńbek adamy» atty qoǵamdyq leksııa barysynda Meırambek Myltyqbaıuly óziniń Talas aýdanynyń Túgisken aýylynyń týmasy ekenin, Almaty qalasyndaǵy Qazaq ulttyq ýnıversıtetiniń jýrnalıstıka fakýltetin tamamdap, respýblıkalyq birneshe basylymdarda eńbek etip, ómir boıy eńbektiń tátti nanyn jýrnalıstıkadan tapqanyn, bir kezderi oblys ákiminiń orynbasary, osy qyzmetke deıingi 5 jarym jyl oblystyq telearnada basshylyq etkenin, jastyq shaǵy men stýdenttik jyldaryn jáne otbasy jaıyn áńgimelep berdi.

Sondaı-aq Meırambek Myltyqbaıuly memlekettiń negizin qalaıtyndar da, memleketti qorǵaıtyn da, memlekettiń bolashaǵyn baıandy etetinder de tek jastar ekenin, oqý-bilim, eńbek, kisilik kelbet, adamdyq qasıet ushpaqqa shyǵaratynyn, jastardy múmkindiginshe kitapqumar bolýǵa, ultyq bolmystan ajyrap qalmaýǵa, salt-dástúrge qyryn qaramaýǵa, múmkindiginshe kóp til bilýge, óz tilińe, óz ultyńnyń bolashaǵyna jany ashıtyn azamat bolyp qalyptasýǵa shaqyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir