• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:40:04
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Taza aýyzmen jáne kógildir otynmen qamtý máselesi kezeń-kezeńimen sheshiledi

2023 jylǵa qaraı oblys turǵyndary tolyqtaı taza aýyzsýmen qamtylady. Qazirgi tańda óńirdegi 377 eldi mekenniń 55 paıyzy ortalyqtandyrylǵan aýyzsýyna qosylǵan bolsa, aldaǵy 4 jyl ishinde bul kórsetkish kezeń-kezeńimen 100 paıyzǵa teńesedi, dep jazady Qamshy.kz aqparat agenttigi. 

Búginde oblystaǵy 205 eldimekende ortalyqtandyrylǵan aýyzsýǵa qosylǵan. Degenmen zerdeleý barysynda ondaǵy 129 myńnan asa halyqtyń taza aýyzsý júıesine qol jetkize alma otyr. Osy oraıda birqatar memlekettik kásiporyndarǵa lızensııa alyp berý nátıjesinde kúni búginge deıin 81 myńnan astam turǵyn aýyzsýǵa qosylǵan. Jyl sońyna deıin bul kórsetkish taǵy 24 myń abonentpen tolyǵady dep kútilýde. Sondaı-aq oblystaǵy 10 eldi mekenge jańadan sý qubyryn tartý jumystary da júrgizilip jatyr. Keler jyly 18, 2021 jyly 41, 2022 jyly 47 eldi mekenge aýyzsý júıesin tartylady.

Oblys ákiminiń tapsyrmasymen turǵyndar sany 200-ge deıingi 49 eldi mekendi jergilikti bıýdjet esebinen biryńǵaı operator arqyly aýyzsýmen qamtý sharalary uıymdastyrylady.

Munan bólek oblys turǵyndaryn tabıǵı gazben qamtý máselesi de basty nazarǵa alyndy. Búginde óńirdegi eldi mekenderdiń 48 paıyzy nemese 181-i gazdandyrylǵan. 2027 jylǵa deıin 196 eldi mekendi kezeń-kezeńimen tolyqtaı gazdandyrylady. Gazdandyrý kezinde eldi mekenge tartylǵan gaz júıesi bola turyp, qosylý qunynyń qymbattyǵyna baılanysty kógildir otynǵa qoly jetpeı otyrǵan 31 myń turǵynnyń máselesi de basty nazarda.

Bul oraıda óńir basshysynyń bastamasymen «Gaz jáne gazben jabdyqtaý» zańyna ózgeris engizilip, kógildir otynǵa qosylý baǵasy 2-3 ese tómendetilgen soń, atalǵan turǵyndar kógildir otynǵa qol jetkizýge múmkindik alǵan. Sonymen qatar Taraz qalasy mańyndaǵy 35 saıajaı men turǵyn alqabynyń 20-syna gaz tartý jumystary qarqyn alǵan. 2019-2021 jyldary oblystaǵy 81 eldimekendi gazben qamtýǵa respýblıkalyq bıýdjetten tıisti qarjy qarastarylǵan.

Jalpy óńirdegi áleýmettik-ekonomıkalyq órleýindegi negizgi kórsetkishterdi túzýde jergilikti turǵyndardyń taza aýyz sýmen jáne kógildir otynmen qamtylý máselesi basty nazarǵa alynady. Sondyqtan jergilikti bılik bul jumystardy júıeli uıymdastyrýdy jiti nazarda ustaıdy. Oǵan oblys aýmaǵyndaǵy atalǵan sektorda atqarylǵan jáne taıaý bolashaqqa túzilgen jospar naqty mysal bola alady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir