• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:37:52
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Shý aýdanynda qos meshit ashyldy

Shý aýdanynyń Saýytbek aýyly men Shý qalasynyń Batys móltek aýdanynda jańa meshit jamaǵatqa esigin aıqara ashty, dep jazady Qamshy.kz aqparat agenttigi. 

Sán-saltanaty jarasqan sáýletti ǵımarattyń boı kóterýimen oblystaǵy ımandylyq úıleriniń qatary tolyǵa tústi. Kók kúmbezi kók tiregen Allanyń jerdegi úıiniń biriniń qurylysy birneshe jyl buryn bastalǵan eken. Alaıda qoldyń qysqalyǵynan meshitti ýaqyttyly paıdalanýǵa berý múmkin bolmaǵan. Jalpy eki meshitti de aýyl turǵyndary óz kúshterimen turǵyzǵan. Meshitke qajetti qurylys materıaldaryna turǵyndardan aqsha jınalǵan, al onyń qurylysyna aýyl turǵyndary taıly-tuıaǵy qalmaı atsalysqan. Tek Saýytbek aýylynan boı kótergen meshittiń qurylysyna osy eldi mekende týyp-ósken jeke kásipker Jaqsyǵul Dıqanbaev kómek qolyn sozǵan.

Kúnderdiń sultany jumada ashylǵan Saýytbek aýylyndaǵy meshitke qut tilegen aýyl jurtshylyǵy kásipker Jaqsyǵul Dıqanbaevqa at mingizip, shapan japty. Al kásipker de óz kezeginde qarap qalmaı qurylys jumystaryna atsalysqan aýyldastaryna syı-sııapat jasady. Kelesi sátte meshittiń janynan kıiz úıler tigilip, as taratylyp, Quran oqyldy. Sońynan kókpar tartylyp, 1 mıllıon teńge júlde qory jeńimpazdarǵa berildi.

Kelesi kúni ashylǵan Shý qalasynyń Batys móltek aýdanyndaǵy jańa meshitke Káribaı molda esimi berildi. Káribaı molda osy óńirde alǵashqy ımam bolǵan, dinı ilim taratqan ustaz.

Islamnyń ıgilik jolyn nasıhattap, barsha jamaǵatty Jaratýshy haq Taǵalaǵa ǵıbadat etýge shaqyratyn qos meshittiń ashylýymen quttyqtap oblystyń bas ımamy Qanat Jumaǵul men aýdan ákiminiń orynbasary Álıhan Balqybekov kelip, tilekterin bildirdi.

Dál búgingideı din máselesine aıryqsha nazar aýdarylǵan tusta tutas qoǵamdy ımandylyq pen izgilikke shaqyratyn meshitterdiń kóptep salynýy qýantarlyq jaı. Ári onyń qurylys jumystaryna aýyl-aımaqtyń túgel qatysýy aǵaıynnyń basyn biriktirip, saýapty iske jumyldyra alǵan aýyz birshilikti ańǵartady. Qalaı desek te halyqtyń dinge seniminiń nyǵaıýy, dinge qurmet kórsetý sanamyzdyń azamat etilgeniniń anyq belgisine aınaldy. О́z kezeginde bul dinı oryndar urpaq sanasyna Islam dininiń bar asyl qasıetin sińirip, ımandylyqqa baýlıtyn orynǵa aınalatyndyǵy esh kúmán týǵyzbaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir