• USD 468.56

  • EUR 497.56

  • RUB 7.3

  • CNY 67.18

28 Naýryz, 14:22:22
Almaty
+35°

Oblystyq tótenshe jaǵdaılar departamentiniń jeke quramy men oqys oqıǵa ornyna jetetin qurylym ókilderi «Qys-2019» respýblıkalyq komandalyq-shtabtyq oqý-jattyǵý jıynyn kezinde óz daıyndyqtaryn kezekti ret pysyqtady. Jalpy buǵan deıin qutqarý qyzmetiniń komandalary 2019 - 2020 jyldarǵa arnalǵan birqatar uıymdastyrý jáne mashyqtaný is-sharalaryn ótkizgen bolatyn, dep jazady Qamshy.kz aqparat agenttigi. 

Arnaıy-taktıkalyq oqý-jattyǵýǵa oblys ákimi apparatynyń jumyldyrý daıyndyǵy jáne aýmaqtyq qorǵanys bóliminiń basshysy Meıirbek Pralıev qatysyp, tótenshe jaǵdaı kezinde oryn alǵan keleńsizdikterdi joıýǵa múddeli organdardardyń daıyndyǵymen tanysty. Sonymen qatar oqys oqıǵanyń zardabyn joıýǵa jumyldyrylatyn qurylymdardyń tehnıkalardyń áleýettik deńgeıin saralandy.

– Komandalyq-shtattyq oqý jattyǵýǵa jergilikti atqarýshy organdardyń, oblystyq TJ departamentiniń órt sóndirý jáne avarııalyq qutqarý jumystar qyzmeti, oblys boıynsha apattar medısınasy ortalyǵy memlekettik mekemesiniń fılıaly, oblystyq polısııa departamenti, Ulttyq gvardııanyń 5513 áskerı bólimi, «Kazavtodor» jaýapkershiligi shekteýli seriktestigi men «Jambyl elektr jelileri» jaýapkershiligi shekteýli seriktestiginiń, medısına jáne kólik qyzmetiniń ókilderi qatysýda. Onyń maqsaty – qys mezgilindegi tirshilikti qamtamasyz etý obektileriniń daıyndyǵyn baǵalaý, azamattyq qorǵaý memlekettik júıesiniń basqarý organdary men kúshterin qysqy kezeńde tap kelgen tótenshe jaǵdaıdy joıý jónindegi is-qımyldarǵa daıarlaý, – deıdi oblystyq tótenshe jaǵdaılar departamenti basshysynyń orynbasary, polkovnık Maqsat Qosybaev.

Oqý-jattyǵý jıyny aldyn ala daıyndalǵan ssenarııge saı ótti. О́ńirde aıaq astynan aýa raıy buzyldy. Qatty qar jaýyp jáne jeldiń jyldamdyǵy 30 m/s deıin kúsheıdi Sáıkesinshe Jýaly aýdany aýmaǵyndaǵy respýblıkalyq mańyzy bar «Batys Eýropa – Batys Qytaı» avtojolynyń 515 shaqyrymynyń mańynda (Kúıik asýy) qarly boran paıda boldy. Aq tútekten taıaq tastam jerdi kórý muń bolyp, saldarynan qalaaralyq baǵyttaǵy avtobýs pen bir jeńil avtokólik qaqtyǵysyp, jeńil avtokólik jol jıegine qulap ketti. Oryn alǵan jol kólik oqıǵasy ózge kólikterdiń de kepteliske ushyraýyna túrtki boldy. Olardyń arasynda 85 jolaýshysy bar 2 qalaaralyq avtobýs, 16 júk birligi jáne 31 jeńil avtokóligi kepteliste qaldy. Osy kezde oblystyq TJ departamentiniń órt sóndirý jáne avarııalyq qutqarý jumystar qyzmeti, oblys boıynsha apattar medısınasy ortalyǵy memlekettik mekemesi fılıalynyń, oblystyq polısııa departamentiniń mamandary kelip, jolaýshylardy basqa kólikke otyrǵyzyp, jaraqat alǵandarǵa medısınalyq kómek kórsetip, órtke oranǵan jeńil atokólikke sý shashyp, tilsiz jaýdy lezde aýyzdyqtady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir