Jumyssyzdyqpen kúres júıeli júrgizilip keledi

Sarysý aýdanynda oblys ekonomıkasynyń ózegi sanalatyn irgeli óndiris oshaqtary ornalasqan. Qarataýdyń ıen baılyǵyn ıgerýdi maqsat etken «EýroHım», «QazFosfat» jaýapkershiligi shekteýli seriktestikteriniń birqatar ónerkásip nysandary ornalasqan aımaqta jumyspen qamtý máselesi de kezeń-kezeńimen sheshilip otyr. Bul oraıda nátıjeli jumyspen qamtýdyń memlekettik baǵdarlamalaryn sarysýlyqtardyń aıqyn sezinip jatqanyn atap ótken jón, dep jazady Qamshy.kz aqparat agenttigi. 

Jalpy jyl basynan beri Sarysý aýdandyq jumyspen qamtý ortalyǵyna «eki qolǵa bir kúrek tabý» máselesimen qaıyrylǵan 1 784 adamnyń 755-i turaqty jumys ornyn tapqan. Jumyssyzdyq máselesi alańdatqandardyń 1 115-i aýyl turǵyny eken. Aýylda jumyssyzdyqtan áleýmettik qorǵaý sharalaryna 1 851 adam tartyldy.

О́z kezeginde jumyssyzdyqpen kúreste azamattardy aqyly qoǵamdyq jumys ornyn usyný tájirıbesi de óz nátıjesinen berýde. Jyl basynan bergi 9 aıda 398 adam aqyly qoǵamdyq jumyspen qamtylyp, olardyń árqaısysyna 91 401 teńge eńbekaqy turaqty tólenip turdy.

Jastar jumyssyzdyǵyndaǵy tabysty qadam «Jastar tájirıbesi» baǵdarlamasy aıasynda sezilýde. Jyl basynan beri bul baǵdarlamanyń sharapatyn kórýden úmitti 158 sarysýlyq jas maman 6 aılyq jumys ornymen qamtamasyz etildi. Memleket tarapynan olardyń qyzmet ornyna qaramastan árqaısysyna 47 219 teńgeden aılyq tólenip turdi.

Áleýmettik jumys oryndary arqyly qańtar aıynan beri 144 jumyssyz ýaqytsha jumysqa ornalasty. О́z kezeginde dál osy maqsatqa memleket tarapynan bólingen qarajat tolyqtaı ıgerildi. Jumysshy ári eńbek naryǵyndaǵy qajetti mamandyqtar boıynsha esepti merzim ishinde qysqa merzimdik kásiptik oqytýdan 200 adam joldaý josparlanǵan. Sáıkesinshe bul jospar artyǵymen oryndalyp 233 adam kásiptik oqytýmen qamtyldy. Osylaısha kásiptik oqytý sharalaryna qaralǵan 22 mıllıon 900 myń teńge qarjy tolyq ıgerildi. Búgingi kúnge deıin 4 mamandyq boıynsha 70 azamat oqýyn aıaqtap, tıisti qujattaryna ıelik etti. Al qalǵan 130 adam óz mamandyqtary boıynsha bilimderin jetildirip jatyr.

Jumyspen qamtý sharalarynyń negizigi bir baǵyty kásip ashýǵa nıetti azamattardy qoldaý desek, toǵyz aı ishinde 50 sarysýlyq shaǵyn nesıe alyp, sharýasyna dóńgeletýdiń alǵy shartyn jasady. Jumyssyzdarǵa kásipkerlik negizderin oqytýǵa baǵyttalǵan «Bastaý Bıznes» jobasymen 195 adam oqytyldy. Bir sózben aıtqanda Sarysý aýdanynda jumyspen qamtýdyń túrli sharalary nátıjesinde 755 adam turaqty jumysqa ornalasty.