• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:25:07
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Balabaqshamen qamtý máselesi taıaý arada tolyqtaı sheshimin tabady

Sarysý aýdanyndaǵy 1-6 jas aralyǵyndaǵy búldirshinderdi mektepke deıingi oqytý, tárbıeleý jumystarymen qamtý kórsetkishi 90,7 paıyzdy quraıdy. Qazirgi tańda aýmaǵyndaǵy búldirshinderdiń mektepke deıingi tárbıeleýmen qamtý úlesi 84 paıyzdy quraıtynyn eskersek sarysýlyqtar búldirshinderin balabaqshamen qamtamasyz etýde oblys boıynsha kósh bastap turǵanyn ańǵarýǵa bolady, dep jazady Qamshy.kz aqparat agenttigi. 

Jalpy qaı óńirdiń bolmasyn áleýmettik-ekonomıkalyq damýyna baǵa berýde ondaǵy bilim berý salasynyń barlyq býynyndaǵy sony serpinniń esepke alynatyny belgili. Ásirese búldirshinderdi balabaqshamen, oqýshylardy mekteppen qamtý isine basa nazar aýdarylǵany jón. Bul oraıda Sarysý aýdanyndaǵy bilim nysandarmen qamtý kórsetkishteriniń joǵary al onda bilim sapasynyń tıisti standarttarǵa saı keletindigin atap ótpeske bolmaıdy.

Búginde Sarysý aýdanynyń bilim berý salasynyń damýyna jalpy bilim beretin 27 mektep pen 10 qosymsha bilim berý mekemesi úles qosýda. Sonymen qatar 11 balabaqsha jáne 1 psıhologııalyq-pedagogıkalyq túzetý kabınetiniń de aımaqtaǵy bilim salasy damýynda ózindik izi bar. Jańa oqý jylynda aýdan mektepterindegi jalpy synyp kontenıngenti 547 synypty qurap,onda 8 879 oqýshy bilim alýdy astady. О́tken oqý jylynda bul kórsetkish 541 synyp kontenıngentinde 8 638 oqýshy tóńireginde bolǵan edi.

Bilim sapasynda joǵary nátıjege qol jetkizý oqýshylardyń demalysyn júıeli uıymdastyrýdan kórinedi. Aǵymdaǵy jyly sarysýlyq mektep oqýshylary mektep janyndaǵy jáne qala syrtyndaǵy lagerlerde demaldy. О́tken oqý jylynda 1-10-synypty 8365 oqýshy aıaqtaǵan bolsa 7779 oqýshy jazǵy saýyqtyrýǵa tartyldy. Bul jalpy sarysýlyq oqýshylardyń 91,1 paıyzyn quraıdy.

О́z kezeginde aýdanda mektepke deıingi oqytý jáne tárbıemen qamtý úlesin arttyrý baǵyttaryndaǵy jumystar jalǵasyn tabýda. Sol arqyly mektepke deıingi mekemelerde kezekte turǵan 335 búldirshindi mektepke deıingi tárbıeleý jumystarymen qamtý máselesi tolyǵymen sheshimin tappaq.

Qaı qoǵamda bolmasyn eń urpaq tárbıesi eń ózekti máselege jatady. Sondyqtan da ony júıeli uıymdastyra bilý aımaq damýynyń negizgi baǵytyna aınalady. Sáıkesinshi bul salaǵa Qazaqstan halqyna arnaǵan Joldaýynda Memleket basshysy Qasym-Jomart Toqaev aıryqsha nazar aýdaryp, bilim berý isinde joǵary sapaǵa qol jetkizýdiń tetikterine toqtalady. Ásirese aýyl men qala mektebi arasyndaǵy aıyrmashylyqty joıý syndy bastamalar Sarysý syndy elimizdiń shalǵaı aýdandarynda sapaly bilimniń berilýine múmkindik bermek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir