• USD 468.56

  • EUR 497.56

  • RUB 7.3

  • CNY 67.18

29 Naýryz, 17:53:14
Almaty
+35°

Sońǵy jyldary Sarysý aýdanynda ónerkásippen birge aýylsharýashylyǵy da sony serpinmen damyp keledi. Aǵymdaǵy jyldyń qańtar-qyrkúıek aılarynda Sarysý aýdanyndaǵy aýyl sharýashylyq qurylymdarymen 9 mıllıard 600 mıllıon teńgeniń aýyl sharýashylyq ónimi óndirilgen. Bul 2018 jyldyń 9 aıymen salystyrǵan 1 mıllıard 700 mıllıon teńgege artyq kórsetkish, dep jazady Qamshy.kz aqparat agenttigi. 

Atalǵan kórsetkishti salalar boıynsha taldaıtyn bolsaq sarysýlyq dıqandar tabysy 5 mıllıard 100 mıllıon teńgeni quraǵan. Al mal sharýashylyǵy sektoryndaǵy tabysqa 4 mıllıard 500 mıllıon teńge tıesili.

Bıyl aýdandaǵy aıdalǵan jerdiń kólemi 20 myń 291 gektar bolsa ondaǵy 4 myń 587 gektar alqapqa jazdyq masaqty dándi daqyldar egildi. Sondaı-aq kóp jyldyq shóp alqaby 4 myń 534 gektar. Aýdannyń jer jaǵdaıy men klımaty maqsary egýge qolaıdy. Sondyqtan da sarysýlyq sharýalar aǵymdaǵy jyl bul daqyldy 7 myń 100 gektar alqapqa sepken. Munan bólek aýdan dıqandary «Dala arýy» sanalatyn júgeri egýge kóptep kóńil bólip jatyr. Bıyl Sarysýdaǵy dándik júgeri 1 000 gektarǵa egilipti. 40 gektar jerge kartop pen 529 gektarǵa kókónis pen ózge de baqsha daqyldary ekken sarysýlyqtar egis alqaptarynyń kólemi ótken jylmen salystyrǵanda 732,8 gektarǵa arttyrýǵa qol jetkizgen. Egis alqaptaryn ulǵaıta otyryp, olarda ozyq tehnologııany qoldanýdyń da oń tájirıbesi qalyptasqan. Bıyl sý únemdeý tehnologııasyn engizý jumystarynyń nátıjesinde 75 gektar alqapqa tamshylatyp sýarý ádisi engizildi. Bul júıeme jańatalaptyq «Jantóre-Saýdakent» jaýapkershiligi shekteýli seriktestiginiń kádesine ońtaıly jarap, seriktestik 25 gektar alqapqa dándik júgeri jáne 35 gektar jerge pııaz jáne 15 gektarǵa baqsha daqyldaryn egýde dál osy tehnologııany qoldanǵan.

Qazirgi kúni aımaqtaǵy agroqurylymdardyń menshiginde 1 315 dana aýyl sharýashylyǵy tehnıkasy bar. Onda 385 dana traktor, 28 dana kombaın, 902 dana qosalqy qurylǵylar men traktor tirkemeleri qyzmet kórsetedi. Sáıkesinshe aýdandaǵy aýyl sharýashylyǵy tehnıkalarynyń jańartý máselesi eshqashan kúntártibinen túsken emes. Sondyqtan da «Saýdakent Kredıttik Seriktestigi» jaýapkershiligi shekteýli seriktestiginiń kómegimen 5 sharýa qojalyq 46 mıllıon 900 teńge nesıege qol jetkizdi. О́z kezeginde bul qarjyǵa agroqurylymdar 5 dana Belarýs traktory men 12 qosalqy qurylǵysyn satyp aldy. Al «Qazagroqarjy» aksıonerlik qoǵamy arqyly birqatar sarysýlyq sharýa qojalyqtary jalpy kólemi 66 mıllıon 800 myń teńge bolatyn birneshe aýyl sharýashylyq tehnıkasyn satyp aldy. Aýdandaǵy ózge sharýashylyqtar da óz esepterinen MTZ traktory, «Press-rýlon» qurylǵysy tirkeme vagon syndy tehnıkalarǵa ıelik etken.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir