• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:39:16
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

1500 jambyldyq merzimdi áskerı boryshyn óteýge attanady

Bıyl kúzgi áskerge shaqyrtý naýqanynda 1500-ǵa jýyq jambyldyq jas elimizdegi áskerı quramalardyń sapyn tolyqtyrýǵa attanbaq. Otan aldyndaǵy merzimdi áskerı boryshyn óteýge sapar shekken sarbazdardyń kezekti bir komandasy burnaǵy kúni «El tiregi-2019» jastar patrıottyq aksııasy aıasynda Taraz qalasyndaǵy «Jastar alleıasynda» ótken sharadan soń Aqtaý qalasyndaǵy teńiz jaıaý áskeriniń áskerı bólimine attandy, dep jazady Qamshy.kz aqparat agenttigi. 

Sondyqtan bul kúni áskerge shyǵaryp salý sharasy uıymdastyrylǵan «Jastar alleıasyna» 45 jas sarbazdar ata-analary men týǵan-týystary, dos-jarandary kóptep jınaldy. Olardyń aldynda oblystyq qorǵanys isteri jónindegi departamentniń basshysy, polkovnık Erlan Jabyqbaev sóz alyp, jas sarbazdarǵa sáttilik tiledi.

–Qurmetti jas sarbazdar! Sizder sanaýly sátterden keıin úlken ómir tabaldyryǵyn attaısyzdar. Áskerı qyzmet ońaı emes. Otan aldyndaǵy azamattyq boryshtaryńdy óteýde kezdesetin barlyq qıynshylyqtardy jastyq jigerdiń arqasynda abyroımen eńseretinderińiz senemin.

Sizder Qarýly Kúshterdiń quramyndaǵy arnaıy áskerı qurylym sanalatyn teńiz jaıaý áskeriniń qataryn tolyqtyrasyzdar. Bul áskerı qurama Uly Otan soǵysy jyldarynda jaýǵa teńiz arqyly shabýyl jasap otyrǵan. Olardyń áskerı daıyndyǵynyń joǵary bolǵany sonshalyq nemis basqynshylary keńestik teńiz jaıaý áskerlerin «qara ólim» dep ataǵan. Endeshe jas sarbazdardyń aldynda osy áskerı bólimniń abyroıyn odan ári asqaq etý mindeti tur,–dedi Erlan Qaharbekuly.

Munan jas sarbazdarǵa oblys ákimdiginiń jastar saıasaty máseleleri basqarmasynyń basshysy Serikbol Berikqoja, Qazaqstan Respýblıkasy Qarýly Kúshteri Ardagerler keńesiniń oblys boıynsha tóraǵasy Ramıl Tartyqov, «Jas sarbaz» áskerı-patrıottyq qozǵalysynyń oblys boıynsha tóraǵasy Dýla Ábdisamat sóz alyp, jas sarbazdarǵa izgi tilekterin arnady. Sharany «Ońtústik»óńirlik qolbasshylyǵy áskerı basqarmasynyń áskerı orkestriniń súıemeldeýimen ánshiler óz ónerlerin kórsetti. Sondaı-aq eriktiler jas sarbazdarǵa arnaıy daıyndaǵan syılyqtaryn tabys etti.

Jalpy qyrkúıek aıynan bastalǵan merzimdi áskerı qyzmetke shaqyrý naýqany óńirdegi óz deńgeıinde uıymdastyrylýda. Buǵan deıin jambyldyq jas sarbazdar elimizdiń soltústik, shyǵys, batys óńirlerindegi Ulttyq qaýipsizdik komıteti Shekara qyzmetiniń, Ulttyq Ulannyń áskerı bólimderi men birge Memlekettik kúzet qyzmetiniń sapyn tolyqtyrdy. Elimizdegi qorǵanys isteri salasynda júrgizilip jatqan qaıta jańǵyrý jumystaryna saı merzimdi áskerı qyzmetke shaqyrý naýqanynda eń áýeli joǵary bilimdi jastarǵa basymdyq berilip jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir