• USD 389.52
  • EUR 429.21
  • RUB 6.07
  • CNY 54.94
29 Qańtar, 21:53:48
Qazaqstan Ýkraınanyń saýda naryǵyna alańdaýly

07 Qarasha, 2019 Barlyq aımaqtar

Segiz sarbazǵa oq atqan tatar balasyna  Ramzan Qadyrov óz qorǵaýshylaryn jiberdi

Áskerdegi álimjettik sarbazdy sharshatsa kerek.

Osydan birneshe apta buryn, naqty aıtqanda 25 qazan kúni  Baıkal jaǵalaýyndaǵy áskerı bólimsheleriniń birinde ofısermen qosa, jeti sarbazdyń oqqa ushqany  habarlanǵany belgili. Bul týraly   Qamshy.kz aqparat agenttigi URA.RU portalyna silteme jasap, habarlaıdy.

Qatardaǵy sarbaz Ramıl Shamsýtdınov ózin azaptap, qorlaǵany úshin qaraýylda turǵan kezinde qolynda avtomattyń baryn paıdalanyp, ózin uryp-soǵyp júrgen sarbazdarǵa oq atqan. Eki sarbaz jaralanyp, altaýy sol zamatta jan tapsyrǵan. Onyń ishinde bir ofıser bar.

 Reseı qoǵamynda úlken qoǵamdyq pikir týdyrǵan oqys oqıǵadan keıin áskerı bólimshede tekseris jumystary bastalyp ketti. Al qatardaǵy jaýynger Ramıl Shamsýtdınovtyń sarbazdardy qyryp salýyna ne sebep bolǵan? Ol óz áriptesterin nege óltirdi? Ravıl Shamsýtdınovtyń aıtýyna qaraǵanda, osy ýaqytqa deıin ony uryp, soǵyp kelgen. Tipti onyń basyn ýnıtazǵa tyǵyp, qorlaǵan da kórinedi. Basty sebep –áskerdegi álimjettik. Únemi bolyp turatyn qorlyq pen zorlyqtan qatardaǵy jaýyngerdiń júıkesi syr bergen bolýy kerek.

Chıta qalasynyń mańyndaǵy áskerı bólimshege Ravıldiń ákesi de baryp qaıtqan. Onyń aıtýyna qaraǵanda, shyn máninde qol jumsaý deregi oryn alǵan. Ony sarbaz Ramıl Shamsýtdınov te rastap otyr. Qatardaǵy sarbazdarǵa oq atarynan birneshe saǵat buryn Ramıl ákesine uıaly telefon arqyly «áke, men odan ary shydaı almaımyn» dep habarlama da jibergen kórinedi. Aqyry is osylaı nasyrǵa shapty. Oryn alǵan tótenshe jaǵdaıdan keıin Ramıl áskerılerge óz erkimen berilgen.

Qazir oqys oqıǵaǵa qatysty keń kólemde tekserý, zertteý jumystary júrgizilýde. Áskerdegi sarbazdardan soqqy alyp, saǵy synǵan sarbaz Ramıl Shamsýtdınovtyń jaıy Sheshenstan prezıdentin de alańdatpaı qoımady.  Ol keshe «zardap shekken musylman balasynyń quqyn qorǵaýymyz kerek» dep eki sheshen qorǵaýshysyn Chıtaǵa jiberdi. Qorǵaýshylar  Saıd-Magomed Chapanov pen Ravıl Týgýshev keshe Máskeý arqyly Chıtaǵa qaraı ushyp shyqqan. Aldaǵy ýaqytta bolatyn sot otyrysynda eki sheshen qorǵaýshysy endi tatar balasy  Ramıl Shamsýtdınovtyń quqyn qorǵamaq.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir