• USD 389.52
  • EUR 429.21
  • RUB 6.07
  • CNY 54.94
24 Aqpan, 17:14:28
Shyńjańdyq dúngen: Dereý qazaqtardan keshirim surańdar! (aýdıo)

31 Qazan, 2019 Aımaqtar

Aýylda eki birdeı mektep salynýda

Aýyldardyń ajaryn ashý maqsatynda jandanǵan «Aýyl - elbesigim» memlekettik baǵdarlamasynyń bereri mol. Sondaı-aq bir kezderi boıyna qan júgirgen «100 mektep, 100 aýrýhana» jobasynyń da jurtshylyqqa tıgizgen paıdasy orasan. Búginde osy ıgi baǵdarlamalardyń jalǵasy retinde Qordaı aýdanynda ıgi tirlikter atqarylýda, dep jazady Qamshy.kz aqparat agenttigi.  Búginde Qalǵuty jáne Kúnbatys-2 aýyldaryna bara qalsańyz, eń áýeli aýyldaǵy aýyr tehnıkanyń gúrilin estısiz. Sebebi munda buryn-sońdy bolmaǵan jańa mektep ǵımarattarynyń qurylysy qarqyn alǵan. Demek, aýyl turǵyndardyń kópten bergi kókeıinde júrgen arman-tilekteri oryndalýda. Aýdan basshylyǵynyń bastamasymen atqarylyp jatqan bul isti aýyl halqynyń jaǵdaıyn jaqsartýǵa baǵyttalǵan ıgi qadam deýge tolyq negiz bar.

– Kúnbatys-2 aýylynda mektep apatty jaǵdaıda bolsa, Qalǵuty aýylynda bilim berý mekemesi múldem joq, aýyl balaqaılary bilim alý úshin birneshe shaqyrym júrip, Jambyl aýylyna baryp oqýǵa májbúr. Osy olqylyqtyń orny kóp uzamaı tolaǵatyn boldy. Aýdan basshylyǵynyń atsalysýynyń arqasynda iske asqan jumystardyń árdaıym basy-qasynda bolamyz, – deıdi sáýlet, qala qurylysy jáne qurylys bóliminiń basshysy E.Mendekeev.

– Qalǵuty aýylynda mektep 180 orynǵa arnalǵan, jalpy smetalyq quny 632 144 myń teńge, merdiger «Teberda StroıServıs» jaýapkershiligi shekteýli seriktestigi, kelisimshart somasy 600 111 myń teńge. 150 oryndyq Kúnbatys-2 mektebiniń merdigeri «Shuǵyla-2002» jaýapkershiligi shekteýli seriktestigi, olarmen kelisimshart 588 859,0 myń teńgege túzildi. Alǵashynda eki nysan boıynsha jobalyq quny 1 mlrd. teńgege deıin josparlanǵan, jobalaý jumystaryn ońtaılandyrý jáne nysandardyń ornalasý jerlerin, aýmaqtaryn, ólshemderin qaıta qaraý arqyly bul soma qysqaryp, saraptamadan ótti. Nysandardyń qurylysy 2020 jyldyń 1 qyrkúıeginde aıaqtalady dep josparlanýda. Jumys sapasy turaqty baqylaýǵa alynyp, qurylys alańdarynda avtorlyq jáne tehnıkalyq qadaǵalaý júrgizilýde, – dep málimetterimen bólisti bólim basshysy.

Qazirgi zaman talabyna saı jańa mektepterde keń bólmelermen qatar úlken ashana, sportzal, sheberhana, kitaphana jáne ózge de qajetti bólmeler qarastyrylǵan. Mektep mańyna sport alańy, kishi synyp oqýshylary úshin oıyn aýmaqtary jáne qazandyq salynýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir