• USD 389.52
  • EUR 429.21
  • RUB 6.07
  • CNY 54.94
28 Qańtar, 14:38:11
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Qalǵuttyqtardyń turmysy túzelip keledi

El turǵyndardyń saýlyǵyn arttyrý baǵytynda bir jyldary jandanǵan «Densaýlyq» baǵdarlamasynyń bereri mol bolǵany anyq. Odan bólek, Memleket basshysy da, Elbasy da medısınalyq nysandardy kóptep salýdy tapsyrǵany belgili. Bul jumystar Jambyl oblysy Qordaı aýdanynda júıesin tabýda. Muny aýdan ákimi jýyrda baǵamdap qaıtty, dep jazady Qamshy.kz aqparat agenttigi. 

Aýdan basshysy Bolatbek Baıtóle Qalǵuty aýylyna baryp, onda qurylysy júrip jatqan jańa medısınalyq pýnkttiń jumysymen tanysty. Aýdandyq ortalyq aýrýhananyń bas dárigeri Záýresh Qadyrbekova qurylys jumystarynyń kóp uzamaı aıaqtalatynyn aıtyp, is josparǵa sáıkes júrip jatqanyn jetkizdi. Sol mańda aýyl turǵyndarymen suhbat qurǵan aýdan basshysy Qalǵutyda birneshe jyldan beri kóterilip kele jatqan mektep máselesi sheshimin tapqanyn aıtyp, qurylys jumystary qarqyn alatynyn jetkizdi. Osydan soń aýyl turǵyndarynyń ótinishimen ákim Qalǵuty men Jambyl aýylyn jalǵap jatqan kanal ústinen ótetin kópirdiń jaǵdaıyn kórdi. Temirmen tartylǵan jalǵyz aıaq kópirdiń astyńǵy tireýishiniń biri qısaıyp, ózi solqyldaq kúıge túsken. Bul jerden aýyl turǵyndary men mektepke qatynaıtyn balalar júretini bylaı tursyn, jaıylymǵa shyǵatyn iri malda osy kópirmen ótedi eken. Ondaǵy jaǵdaıdy kórgen aýdan ákimi kópirdi retke keltirip, al maldy basqa jerden ótkizý úshin jumystardy qolǵa alatyn bolyp sheshti.

Qalǵutydan keıin Stepnoıǵa barǵan Bolatbek Baıtóle aldymen «Qordaı-Raýan» jekemenshik balabaqshasynyń jumysymen tanysty. 150 oryndyq baqsha barlyq talapqa saı jasalǵanymen, aýdan basshysy balalardyń oıyn alańyna qatysty birqatar eskertý jasap, ony balabaqsha basshylyǵy jaqyn arada retke keltiretin boldy. Kelesi kezekte Stepnoı aýyldyq meshitine barǵan aýdan ákimi meshit mańyndy abattandyrý múldem júrgizilmeginin aıtyp, retke keltirý jumystaryn shuǵyl bastaý kerektigin eskertti. Osydan soń Bolatbek Baıqonysuly qurylysy júrip jatqan dárigerlik ambýlatorııaǵa baryp, merdigerlermen tildesti. Ǵımarattyń qabyrǵasy kóterilip, shatyry jabylǵan, qazirgi tańda syrlaý jumystary júrýde. Qarashada tolyǵymen aıaqtaýdy kózdep otyrǵan qurylysshylarǵa sáttilik aıtyldy. Stepnoı aýyldyq negizgi dárigerlik ambýlatorııasynyń eski ǵımaraty ótken ǵasyrdyń alǵashqy jartysynda salynǵan eken. Deı turǵanymen, áktep-syrlap, jaqsy qaraýdyń arqasynda osy kúnge deıin aýylǵa sapaly medısınalyq kómek kórsetip kelgen. Endi kóp uzamaı ondaǵy medısına qyzmetkerleri jańa ǵımaratqa kóshetin bolady.

Okrýg boıynsha alty myńnan astam turǵyny bar eldi mekende jol máselesi eshqashan kún tártibinen túsken emes. Sońǵy jyldary birqatar aýyl kósheleri jóndeýden ótip, el ıgiligine berilgen bolatyn. Dese daǵy, aýdan basshysy osy kúni Stepnoıdaǵy barlyq kóshelerdi aralap shyǵyp, jaǵdaıymen tanysyp, sońynda okrýg ákimine aýyl syrtyna qoqys tastaǵandarǵa aıyppul salýdy qolǵa alý jáne onyń aldyn alý boıynsha birqatar tapsyrmalar berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir