Qoǵamdyq kelisim – ulttyń uıytqysyna aınaldy

Qoǵamdyq kelisim – ult pen ulystardyń dostyǵynyń kepili. Búginde bul óz-ózin dáleldegen qurylym. Sondaı-aq Jambyl oblysyndaǵy qoǵamdyq kelisim mekemesi bul baılamǵa esh selkeý túsirgen emes dep jazady Qamshy.kz aqparat agenttigi. Máselen «Qoǵamdyq kelisim» KMM ǵylymı-saraptamalyq qoldaý bólimi konferensııa, tımbıldıng, hakaton, fokýs-toptyq zertteýler jáne t.b formattarda 30 is-shara ótkizip, oǵan 4310 belsendi qoǵam músheleri qamtyldy. Qazaqstan halqy Assambleıasynyń úzdik ǵylymı eńbekter qataryna engizilgen 49 jumystyń 7-eýi jambyldyq ǵalymdardyń enshisinde.

«Rýhanı jańǵyrý» baǵdarlamasy boıynsha oblystaǵy etnostardyń salt -dástúrin, tarıhy men mádenıetin, qolónerin tereń zertteýge baǵyttalǵan úsh joba júzege asýda. Joba aıasynda Sh.Ýálıhanov atyndaǵy tarıh jáne etnologııa ınstıtýtymen yntymaqtastyq týraly kelisim jasaldy, sondaı - aq, ál - Farabı atyndaǵy Qazaq ulttyq ýnıversıtetimen yntymaqtastyq qarym - qatynas kelisimi jasalyp, birlesken jumys júrgizilýde. Oblystaǵy etnostardyń qolóner, ulttyq buıymdar jasaý sheberligi tereń zerdelenýde. Merki aýdanynda toqymashy, kórkem dástúrlerdi saqtaýshy G.Djýbarovanyń jáne kilemshi G.Erejepovanyń, sondaı - aq, qarashaı - balqar ortalyǵy basshysynyń babalary murasynan 19 ǵasyrdyń belbeýi, sondaı - aq Qordaı aýdanynda ulttyq dúngen óneri keste tigý sheberi S.Hafazovanyń jáne dúngen qalyndyǵynyń toı kıiminiń tiginshisi S.Chıvanyń master klastary túsirildi. T.Rysqulov aýdanynda aǵash, súıek jáne metalldan oıý kesý shyǵarmalaryn biriktiretin sheber J.Tataevanyń eńbegi de jobaǵa sáıkes nazarǵa alyndy.

Búgingi kúnge oblys boıynsha 177 qoǵamdyq kelisim keńesteri birneshe jobanyń júzege asýyn uıymdastyryp keledi.

«Kedergige jol joq» áleýmettik jobasyn iske asyrý maqsatynda, oǵan 59 adamnan turatyn monıtorıng toby quryldy, 401 obektige monıtorıng júrgizilip, anyqtalǵan kemshilikter boıynsha tıisti mekemelerge usynystar berildi.

«Jańǵyrǵan aýyl» jobasy boıynsha Merki, T.Rysqulov aýdandarynda Qoǵamdyq kelisim keńesi músheleriniń qatysýymen kásiptik bilim alýshylarmen kezdesý jáne Qordaı, Merki, Shý aýdandarynda keńestiń 3 kóshpeli otyrystary ótkizildi. Úzdik jetistikterge jetken sharýa qojalyqtar men kásiporyndarǵa («Samǵaý» ShQ Qordaı aýdany, «Sypataı batyr» JShS Merki aýdany, «Qýat» ShQ jáne «Gýd Jem» Taraz q) agrarlyq týrızm uıymdastyryldy. Jalpy 65 is - shara ótkizilip, oǵan 4650 adam qamtylǵan.