• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:48:40
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Shalǵaı aýyldardyń da joldary jóndelýde

Búginde jol qurylysyna memleket tarapynan bólinip jatqan kóńil az emes. Bul baǵytqa baǵyttalǵan «О́ńirlerdi damytý», «Aýyl – el besigi» syndy memlekettik baǵdarlamalar az emes. Sonyń esesinen eldi mekenderdiń eńsesi tiktelip, júrgizýshiler men jolaýshylarǵa qolaıly jaǵdaılar jasalýda, dep jazady Qamshy.kz aqparat agenttigi. Sońǵy ýaqytta elimizde respýblıkalyq nemese aýdandyq mańyzy bar joldar ǵana emes, aýylishilik joldarǵa da erekshe mán berilip keledi. Osynyń bir dáleli retinde Jambyl oblysynyń shalǵaı Qordaı aýdanyndaǵy aýyldardyń da kóshe joldary rettele bastaldy.

Máselen, Qaqpatas aýylynda S.Meıirman kóshesi men D.Qonaev jáne A.Qunanbaev kóshesiniń eki arasy jóndelip, asfalt tóseldi. Sonymen qatar, okrýgke qarasty Beriktas aýylyndaǵy Tóle bı jáne T.Saqalova kósheleri de jóndeldi. Bul jumystarǵa jergilikti bıýdjetten qomaqty qarjy bólinip, jumysty «Nurly jol» JK oıdaǵydaı atqaryp shyqqan.

– Oıly-shuńqyrly kóshemen júrýdiń saldarynan kóligimiz jıi buzylyp, odan qalsa mektepke baratyn balalarymyz kóktem-kúz aılarynda laı jermen júretin edi. Endi mine taqtadaı túzý asfalt tóseldi. О́te qýanyshtymyz. Basshylyqqa aıtar alǵysymyz sheksiz, – deıdi Qaqpatas aýylynyń turǵyny Ashat Týlymbaev.

Aýyldyq okrýg ákimidigi qyzmetkerleriniń aıtýynsha, ınfraqurylymdy damytý jumystary jalǵasatyn bolady. Mysaly jaqyn arada birneshe kósheni jaryqtandyrý jumysy qolǵa alynbaq.

Budan bólek, qordaılyqtar asyl tuqymdy mal basy arttyrýda da aýqymdy is qylýda.

Mal baǵý – qazaqtyń ata kásibi. Endi osy kásipti zaman talabyna saı beıimdeý onyń jańa qarqynmen damýyna septigin tıgizeri anyq. Qaqpatas aýyldyq okrýginde sútti baǵyttaǵy iri qara ósiretin sharýalar kóp. Sondaı-aq, úı irgesinde asyl tuqymdy iri qarany ósirip júrgen azamattar da bar.

Beriktas aýylynyń turǵyny Almas Danyshpanov osydan eki jyl buryn táýekel etip, 10 bas «Shved» jáne «Galstın» tuqymdy iri qarany satyp alyp, qorasyna kirgizgen bolatyn. Bul asyl tuqymdy iri qara joǵary ónimdiligimen erekshelenedi. Durys kútim jasasa, kúnine 25-30 lıtr sút beretin oısyl qara tuqymyn baptaý da ońaı emes. Almas Danyshpanovtyń aıtýynsha, asyl tuqymdy mal ósirý úshin biraz ýaqyt qajet. Úlken kúsh-jiger jumsap, úzdiksiz jumys istemeıinshe, nátıje shyǵarý qıyn. Dese de, qıyndyqqa moıymaıtyn azamat bul isti myqtap qolǵa alyp, búginde maldan tól alyp jatqan jaıy bar. Búginde saýylǵan sútti jergilikti kásipkerler jaqsy baǵamen alýda. Keleshekte sút ónimderin óndirýdi josparlap jatqan azamattyń kásibi berekeli bolaryna kúmán joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir