• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:32:32
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Qazirgi jastardyń rýhanı jańǵyrýy

Jambyl oblystyq Dostyq úıinde «Jastardyń qoǵamdyq sanasyn jańǵyrtý: áleýeti, keleshegi jáne máseleleri» taqyrybynda oblystyq ǵylymı-praktıkalyq konferensııa ótti dep jazady Qamshy.kz aqparat agenttigi. Atalmysh konferensııanyń uıymdastyrýshylary Jambyl oblysy ákimi apparatynyń «Qoǵamdyq kelisim» kommýnaldyq memlekettik mekemesi jáne M.H. Dýlatı atyndaǵy Taraz memlekettik ýnıversıteti joǵary oqý oryndarynyń oqytýshylaryn, ǵalymdardy, fılosoftardy jáne etnomádenı birlestikterdiń ókilderin konferensııa jumysyna qatysýǵa shaqyrdy. Konferensııada jas urpaqty qalyptastyrý men ilgeriletý jáne qazaqstandyq qoǵamdy damytýdaǵy sabaqtastyqty qamtamasyz etýdiń negizgi faktory retinde jastardyń qoǵamdyq sanasyn jańǵyrtýǵa baǵyttalǵan máselelerdi talqylady.

Igi istiń uıymdastyrýshylary ǵylymı qoǵamdastyq pen áleýmettik-saıası ınstıtýttardyń kúsh-jigerin biriktirý úshin osyndaı is-sharalardyń joǵary mańyzdylyǵyn atap kórsete otyryp, memlekettik qurylym ókilderiniń, qoǵam ókilderiniń qoǵam úshin ózekti máselelerin jıynǵa qatysýshylardyń nazaryna usyndy.

-Búgingi konferensııanyń maqsaty jastardyń qoǵamdyq sanasyn oıatý, olardy sanaly tulǵa retinde qalyptastyrý. О́mirlik ustanymdaryn, kózqarastaryn keńeıtip, álemdik jahandaný úderisinde bolyp jatqan kóptegen jańalyqtardan qalys qalmas úshin, olardyń bilimge den qoıýyn qamtamasyz etý. Búgingi jıynda osy máseleleler talqylandy. Jastarymyzdyń konferensııadan oıǵa túıgeni kóp dep oılaımyz, - dedi Jambyl oblysy Qazaqstan halqy Assambleıasy janyndaǵy ǵylymı-saraptamalyq tobynyń múshesi, M.H.Dýlatı atyndaǵy Taraz memlekettik ýnıversıtetiniń «Fılosofııa jáne saıasattaný» kafedrasynyń meńgerýshisi, fılosofııa ǵylymdarynyń kandıdaty Dına Dúısebaıqyzy.

Konferensııa barysynda plenarlyq otyrys ótkizilip, birqatar seksııa boıynsha ózekti taqyryptarda pikirler aıtyldy. Tarqatyp aıtar bolsaq: «Qazirgi jastardyń rýhanı jańǵyrýy jáne onyń túrli salalarda kórinis tabýy – óner, din, moral, ǵylym, quqyq, ıdeologııa, ekonomıka, eńbek jáne t.b.», «Jas qazaqstandyqtardyń rýhanı jańǵyrýyndaǵy qundylyq baǵdarlary (bazalyq ulttyq rýhanı qundylyqtar, rýhanı qundylyqtar júıesindegi ózgerister men sabaqtastyq)», «Naqty jaǵdaılardan týyndaıtyn jastardyń qoǵamdyq sanasynyń elementteri (áleýmettik armandar, boljamdar, aldyn ala boljam)», «Jastardyń jappaı sanasy – kórinis, erekshelikter, retteý quraldary», «Jastardyń qoǵamdyq sanasyna jahandyq buqaralyq kommýnıkasııa quraldarynyń áseri (BAQ, ınternet)» týrasyndaǵy máseleler talqyǵa salyndy.

О́tkizilgen konferensııanyń qorytyndysy boıynsha plenarlyq otyrysta jáne seksııalarda usynylǵan baıandamalar taqyryptary boıynsha maqalalar jınaǵy shyǵaryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir