Jyl ishinde jambyl oblystyq QHA Analar keńesi 7000 adamnyń qatysýymen 121 is-shara uıymdastyrǵan. Etnomádenı birlestikterdiń jastary men jas analardyń qatysýymen otbasynyń roli týraly aqparattyq keńester ótkizildi. «Otbasy jáne medıasııa» áleýmettik jobasy boıynsha otbasylyq sot boıynsha 21 otyrys ótkizilip, 14 otbasy saqtalyp qaldy dep jazady Qamshy.kz aqparat agenttigi. QR Joǵarǵy Sotynyń «Januıalyq sot» pılottyq jobasy sheńberinde «Bastaý» jumys tobynyń 14 otyrysyna qatysyp, ajyrasýǵa kelgen 28 juptyń máselesi qaraldy.

Sondaı - aq kópbalaly áıelder arasynda áleýmettik járdemaqy tóleýdiń jańa tártibin túsindirý boıynsha 6 kóshpeli (Merki, Shý, Baızaq, T.Rysqulov, Jýaly jáne Qordaı aýdandarynda) otyrys ótkizildi.

«Jańǵyrý joly» jastar qozǵalysy oblystyq shtaby 58 is-shara ótkizip, oǵan 2572 jas qamtyldy. Atap aıtsaq, oblystyq «Jańǵyrý joly» jastar qozǵalysy men «Aq jelken» jastar lıgasy jáne etnomádenı birlestikterdiń 70 belsendi músheleri jyl saıynǵy aksııasyn ótkizip, 31 lıtr qan tapsyrdy, sonymen qatar, «SARQYT», «О́mir syıla» qaıyrymdylyq aksııalar, «Qazaq halqyna myń alǵys» fleshmob uıymdastyryldy.

Oblystyq «Jańǵyrý joly» jastaryna respýblıkalyq «Eltaný» týrıstik-ólketaný ekspedısııasy aıasynda Túrkistan oblysynyń tarıhı jerlerine ekskýrsııa uıymdastyryldy. Sharaǵa «Jańǵyrý joly» jastar qozǵalysy shtabynyń músheleri, az qamtylǵan otbasynan shyqqan mektep jáne kásiptik-tehnıkalyq oqý oryndarynyń oqýshylary, ata-anasynyń qamqorlyǵynsyz qalǵan balalar, barlyǵy 50 adam qatysqan.

Kóne Taraz shaharynan ejelgi Túrkistanǵa bet alǵan jastardyń kerýeni Shymkent qalasyna toqtap, jergilikti Assambleıa jastarymen kezdesti jáne Qoja Ahmet Iаssaýı, Rabıǵa - Sultan Begim, Sháýildir aýylyndaǵy Arystan-Bab keseneleri, Qoja Ahmet Iаssaýı kesenesiniń mańynda ornalasqan emdik qasıetke ıe shyǵys monsha, Hılvet jer asty meshitine, Otyrar qalashyǵy men tarıhı-ólketaný murajaıyna saıahat jasaldy.

«Rýhanı jańǵyrý» baǵdarlamasy aıasynda «Qazaqstannyń 100 jańa esimi» jobasynyń jeńimpazy, mesenat, oblystyq máslıhattyń depýtaty jáne Qoǵamdyq keńestiń tóraǵasy S.Seıdazımov, «О́zbek ulttyq mádenı ortalyǵy» qoǵamdyq birlestigi tóraǵasynyń orynbasary, Qazaqstan halqy Assambleıasynyń múshesi G.Ýmarov, Jambyl aýdany Asa aýylynyń «Aınalaıyn» balalar-jasóspirimder ortalyǵy «Jastar klýby» qoǵamdyq birlestiginiń tóraıymy, mesenat A.Razakovanyń qatysýymen Baızaq aýdany Sarykemer aýyldyq okrýginiń jáne «Jańǵyrý joly» jastar qozǵalysynyń múshelerimen kezdesý ótkizildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir