• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:17:42
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Kásipkerlikke keń óris

Memleket basshysy Q.Toqaev Qazaqstan halqyna alǵashqy Joldaýynda shaǵyn jáne orta kásipkerlikti damytýǵa basa nazar aýdarylatyndyǵyn aıtqan bolatyn. Bıznestiń alǵa bastyrýda nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń bereri mol. Búginde atalmysh baǵdarlama aıasynda Jambyl oblysynda óz isin dóńgeletip áketken jastar jeterlik. Sonyń biri-Jambyl aýdanynyń turǵyny Móldir Qurmanalıeva. Ol atalmysh baǵdarlama arqyly 505 myń teńge qaıtarymsyz grantqa qol jetkizipti. Bul qarjyǵa ol sulýlyq salonyna qajetti qural-jabdyqtar satyp alyp, jeke kásibin bastap ketken. Búginde 3 adamdy turaqty jumyspen qamtyp otyrǵan jeke kásipker vızajıst bolǵysy keletin qyz-kelinshekterdi oqytýdy qolǵa alypty. Aldaǵy ýaqytta osy baǵdarlama arqyly oqytý ortalyǵyna ashýdy josparlap otyr eken.

Rasynda, búginde oqý ornyn bitirip alyp, turaqty jumys tappaı júrgen jastar jeterlik. Bul oraıda, atalǵan baǵdarlamanyń úshinshi baǵyty boıynsha «Jastar praktıkasy» kóptegen jastardyń turaqty jumyspen qamtylýyna mańyzdy ról atqaryp keledi. Osylaısha, «jastar praktıkasy» arqyly ózin jaqsy qyrynan tanytqan mamannyń biri Ázız Kádirhanuly. Asa aýyldyq okrýginiń ákimdiginde atalǵan baǵdarlama boıynsha tájirıbeden ótýge kelgen ol nebary 1,5 aıdyń ishinde turaqty jumysqa qol jetkizipti. Qazirgi tańda statıst bolyp qyzmet etip jatqan jas maman týraly aýyl ákiminiń orynbasary Ertaı Bozymbekov tek jaqsy pikirde.

Tastóbe aýylynyń turǵyny Janseıit Meıirhanov atalǵan «Eńbek» memlekettik baǵdarlamasynyń ekinshi baǵyty boıynsha jappaı kásipkerlikti damytý aıasynda «Aýyl sharýashylyǵyn qarjylaı qoldaý qory» arqyly 3,5 mıllıon teńge mólsherinde jylqy sharýashylyǵyna nesıe alypty. Bul qarjyǵa 10 jylqy alǵan ol qosymsha 5,5 mıllıon teńge taǵy nesıe rásimdep, 20 jylqy satyp alǵan. Qazirgi tańda qorasynda 30 jylqy bordaqylap jatqan Janseıit aldaǵy ýaqytta bıe baılap, qymyz óndirýdi josparlap otyr eken.

– Baǵdarlamany iske asyrý maqsatynda keshendi jospar bekitilip, 2740 adamdy jumyspen qamtý mejesi qoıyldy. Qazirgi tańda 2324 adam úsh baǵyt boıynsha jumyspen qamtyldy. Birinshi baǵyt qatysýshylardy tehnıkalyq jáne kásiptik, qysqa merzimdi oqýmen qamtamasyz etý boıynsha 220 adamǵa qarjy bólingen edi. Degenmen biz 258 adamdy oqytyp, 126-sy turaqty jumysqa ornalasty. Ekinshi jappaı kásipkerlikti damytý baǵyty aıasynda 140 adamǵa nesıe berý úshin 590 mıllıon teńge qarajat qaralǵan bolatyn. Búginde onyń 105-i alyp úlgerdi. Iаǵnı, qarjynyń 80 paıyzy ıgerildi. Sondaı-aq bıyl kópbalaly analar men jastarǵa memlekettik granttar bóline bastaǵany belgili. Naqtyraq aıtqanda, 100 AEK mólsherinde 3 adam grant alsa, 40 adam 200 AEK kóleminde grantqa qol jetkizdi. Al úshinshi baǵytymyz halyqty jumyspen qamtýǵa járdemdesý jáne eńbek resýrstary arqyly áleýmettik jumys oryndaryna 100 adamǵa qarjy bólingenimen, naqty ýaqytta 109 adam turaqty jumysqa ornalasty. Sondaı-aq jastar praktıkasyna 220 adam joldaý josparlanǵanymen 236 adam joldanyp, onyń 128-i turaqty jumyspen qamtyldy. Sonymen qatar múmkindigi shekteýli 41 azamatty jumysqa ornalastyrý bekitilgen bolsa, 66 adamdy jumys tapty, – deıdi Jambyl aýdanynyń jumyspen qamtý ortalyǵynyń dırektory Asqar Janqorazov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir