• USD 389.52
  • EUR 429.21
  • RUB 6.07
  • CNY 54.94
22 Qańtar, 12:46:11
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Jambylda baǵdarlamanyń baǵyty aıqyn

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyna arnalǵan Qazaqstan Respýblıkasy Úkimetiniń 2016 jylǵy 29 jeltoqsandaǵy № 919 qaýlysynda baǵdarlamanyń negizgi maqsaty retinde halyqty nátıjeli jumyspen qamtýǵa járdemdesý jáne azamattardy kásipkerlikke tartý dep kórsetilgen. Baǵdarlama maqsaty búgingi kúnniń eń ózekti taqyryptarynyń biri jáne biregeıi ekeni talas týdyrmaıdy. El azamattary úshin birinshi kezekte turaqty jumyspen qamtylý mańyzdy sanalady. Al jeke kásibin ashyp, ózin jáne aǵaıyn-týystaryn jumyspen qamtyp jatsa nur ústine nur. Búginde memleketimizdiń áleýmettik-ekonomıkalyq ahýalynyń jaqsarýyna úlken úles qosyp otyrǵan sala da osy kásipkerlik ekeni anyq.

Atalǵan baǵdarlamanyń maqsaty – halyqty nátıjeli jumyspen qamtýǵa járdemdesý jáne azamattardy kásipkerlikke tartý. Baǵdarlamanyń maqsaty men ındıkatorlaryna qol jetkizý úshin jumys úsh baǵyt boıynsha júrgiziledi. Atap aıtqanda, birinshi baǵyt – baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý, ekinshi baǵyt – jappaı kásipkerlikti damytý, al úshinshi baǵyt – halyqty jumyspen qamtýǵa járdemdesý arqyly eńbek naryǵyn damytý jáne eńbek resýrstarynyń utqyrlyǵy.

Búginde Jambyl oblysynda «Eńbek» baǵdarlamasy aıasynda 2019 jylǵa barlyǵy 11,6 mıllıard teńge, onyń ishinde respýblıkalyq bıýdjetten 7,4 mıllıard teńge, jergilikti bıýdjetten 4,2 mıllıard teńge bólinipti. Aǵymdaǵy jyldyń 1 qazanyna jumyspen qamtýdyń belsendi sharalaryna 30504 adam tartylsa, sonyń ishinde vakanttyq bos jumys oryndaryna – 14210 adam, qysqa merzimdi kásiptik oqýǵa – 3299 adam, áleýmettik jumys oryndaryna – 1477 adam, jastar praktıkasyna 2297 túlek joldanǵan. Sondaı-aq aqyly qoǵamdyq jumystarǵa 4868 jumyssyz tartylsa, 1292 adam «Bastaý-Bıznes» jobasymen kásipkerlik negizderine oqysa, «Jas kásipker» jobasy boıynsha 649 adam oqýǵa joldanyp, 959 adam shaǵyn nesıe, 683 adam grant alypty.

Atalǵan baǵdarlamanyń sharapatyn kóbine aýyl azamattary kórip jatyr. Baǵdarlamanyń da basty maqsaty osy. Máselen, oblys ortalyǵyna jaqyn ornalasqan Jambyl aýdanynyń turǵyny Gúlsim Úsenova atalǵan baǵdarlamanyń úshinshi baǵyty aıasynda eden jýýshy bolyp, turaqty jumysqa ornalasqan. Búginde 53 myń teńge aılyq-jalaqysy bar turǵyn densaýlyǵyna baılanysty turaqty jumystan qol úzip qalǵanyn aıtady. Jumyspen qamtý ortalyǵyna qaırylǵan ol búginde Asa aýylyndaǵy B.Momyshuly atyndaǵy mektep-gımnazııasynda qyzmet etýde. Sol sekildi atalǵan aýyldyń turǵyny osy baǵdarlama arqyly qysqa merzimdi oqý oqyp, úıiniń mańynan shashtaraz ashyp alǵan. Aldaǵy ýaqytta ol memlekettiń shaǵyn bızneske degen qoldaýyn paıdalan otyryp, shashtarazyn úlkeıtip, birneshe adamdy jumyspen qamtýdy josparlap otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir