• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:39:37
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

"Aýyl - el besigi" jobasynyń jemisi mol

Elbasy Nursultan Nazarbaev 2018 jyldyń 5 qazandaǵy «Qazaq-standyqtardyń ál-aýqatynyń ósýi: tabys pen turmys sapasyn artty-rý» dep atalǵan Joldaýynda aýyl turmysyn kóterýge baǵyttalǵan «Aýyl – el besigi» jobasyn iske qosýdy tapsyrǵan bolatyn. Ol jaıly Qazaqstan Respýblıkasynyń Tuńǵysh Prezıdenti «Aýyldyq jerlerdiń áleýmettik ortasyn jańǵyrtýǵa da kirisýimiz qajet. Osyǵan baılanysty arnaıy «Aýyl - el besigi» atty jobany júzege asyrý qajet. Bul arqyly qazaqstandyqtardyń jergilikti jerdegi eńbegine qatysty ıdeologııany qolǵa alýymyz kerek. Bul ákimshilikterdiń mindeti», - degen edi.

«Aýyl – el besigi» baǵdarlamasy aıasynda Jambyl oblysynyń 3 eldi mekeninde túrlendirý jumystary iske asýda. Iаǵnı Baızaq, Jambyl, Shý aýdandarynyń ortalyqtarynda 2 mıllıard 77 mıllıon teńge turatyn 108 joba jumysy aıaqtalýǵa jaqyn. Onyń 104 jobasy áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeý boıynsha bolsa, qalǵan 4 joba áleýmettik nysandar qurylysyn júrgizýge arnalǵan. – Jobalardy iske asyrý jumystary bekitilgen Josparǵa sáıkes júrgizilýde. Qarjylandyrý josparyna sáıkes aǵymdy bıýdjet boıynsha mindettemeler alý maýsym aıyna josparlanyp, tólemder shilde aıynan bastaldy, qurylys jumystary boıynsha mindettemeler alý shilde aıyna josparlanyp, tólemder tamyz aıynan bastaldy. Memlekettik satyp alý rásimderi – 108 joba boıynsha barlyǵynyń nátıjesi anyqtalyp, merdigerlermen kelisim-shart jasalǵan (onyń ishinde 4 qurylys jobasy), barlyq jobada jumystar bastalyp, 85 jobada jumystar aıaqtaldy. Qarjylandyrý máselesi boıynsha 1 qazan aıyndaǵy aqparatqa sáıkes, shilde-qyrkúıek aılarynda josparlanǵan jobanyń 98 paıyzy oryndaldy,-deıdi oblystyq ekonomıka jáne bıýdjettik josparlaý basqarmasynyń basshysy Gúldana Jaýynbekova.

Qazirgi tańda Jambyl oblysynda bul baǵyttaǵy jumystar júıeli júzege asýda. Munyń bári de jergilikti jurtshylyqtyń jaǵdaıyn jaqsartýǵa, áleýmettiń áleýetin arttyrýǵa baǵyttalǵan baıandy bastamalar ekendigi sózsiz. Eń basty maqsat ta osy. Olaı bolsa jarqyn jobanyń jemisiniń mol bolatyndyǵyna senim de zor. Igilikti ister aldaǵy ýaqytta da laıyqty jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir