• USD 468.56

  • EUR 497.56

  • RUB 7.3

  • CNY 67.18

29 Naýryz, 10:33:35
Almaty
+35°

Taraz memlekettik pedagogıkalyq ýnıversıtetiniń májilis zalynda gýmanıtarlyq ǵylymdar joǵary mektebiniń uıymdastyrýmen Abaı Qunanbaıulynyń 175 jyldyǵyna oraı «Asyl sózdyń aldaspany» atty aptalyqtyń ashylý saltanaty ótti. Sharaǵa oqý ornynyń oqytýshylarmen stýdentteri, BAQ ókilderi qatysty.

Aptalyqty oqý orynynyń rektory Erjan Ámirbekuly ashyp, jastardy aqynnyń shyǵarmashylyǵyn nasıhattaýǵa belsendi atsalysýǵa shaqyrdy.

– Uly aqynnyń mereıtoıyna oraı ýnıversıtet qabyrǵasynda bir apta boıy túrli baǵytta is-sharalar uıymdastyrylmaq. Bir qaraǵanda tanys taqyryp, tanys beıne sekildengenmen, Abaıdy tanyǵan saıyn, jańa ilimge, jańa kózqarasqa qol jetkizetinimiz ras. Orystar úshin – Pýshkın, aǵylshyndar úshin – Shekspır, grýzınder úshin – Rýstavelı qandaı uly qubylys bolsa, qazaqtar úshin Abaı da sondaı teńdessiz qubylys. «Abaı sózi – qazaqtyń boıtumary, Abaı murasy – qazaqtyń qasıetti qazynasy» dep Elbasymyz aıtqandaı, dana babamyzdyń 175 jyldyǵyn abyroımen atap ótý árbirimizge úlken mindet. Bul shara ýnıversıtet stýdentteriniń Abaı ómiri men shyǵarmashylyǵyna degen tanymdyq qyzyǵýshylyǵyn yntalandyryp, Abaı murasy arqyly qazaq tiliniń kórkemdik qazynasyn, sóz óneriniń beıneliligi men baılyǵyn tanytyp, jastardyń arasynan talantty stýdentterdi anyqtap, olardyń shyǵarmashylyq áleýetin ashatynyna senimim mol,-dedi Erjan Ámirbekuly.

Munan soń Gýmanıtarlyq ǵylymdar joǵary mektebiniń dekany Gúlnur Bolatbekqyzy bastaǵan ujym Abaı óleńderin oqýdan arnaıy beınematerıal túsirip, Taraz memelekettik pedagogıkalyq ýnıversıtetindegi ózge de joǵary mektepterge estafeta joldady. Sonymen birge abaıtanýshy Mekemtas myrzahmetulynyń suhbatynan úzindi kórermenderge LED ekran arqyly kórsetildi. Stýdentterdiń qatysýymen ótken arnaıy qoıylymdy kórermender ystyq yqylaspen qabyldady. Aptalyq aıasynda kýratorlyq sabaqtar, Abaı óleńderin oqýdan arnaıy ınstabaıqaýlar men esse jazý saıystary, mektep oqýshylary arasynda «Abaı álemi» atty zııatkerlik saıystar jáne arnaıy kórme, ashyq mıkrofon aıdarlary uıymdastyrylmaq. Shara sońynda oqytýshylar men stýdentter ýnıversıtet qabyrǵasynan Abaı Qunanbaıulyna ashylǵan kabınetpen tanysty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir