Elimizde júrgizýshi kýáliginen aıyrylǵandarǵa kólik aıdaǵany úshin salynatyn aıyppul kólemin arttyrý josparlanyp otyr. Bul máseleni Májilis depýtattary tıisti zań jobasynyń ekinshi oqylymynda maquldady, – dep Qamshy.kz aqparat agenttigi habarlaıdy.
"Ákimshilik quqyq buzýshylyq týraly kodekske ózgerister men tolyqtyrýlar engizý týraly" zań jobasy ekinshi oqylymda qaraldy.
Májilis otyrysynda depýtattardyń usynysymen jol júrý salasyndaǵy jekelegen zań buzýshylyqtar úshin aıyppul sanksııalary ulǵaıtyldy.
"Júrgizýshi quqyǵynan aıyrylǵan adamǵa kólik júrgizgeni úshin 50 AEK (126 250 teńge) aıyppul salynady. Qazir mundaı aıyppul 10 AEK-ti (25 250 teńge) qurap otyr", – dep tómengi palatanyń zańnama jáne sot-quqyqtyq reforma komıtetiniń múshesi Qanat Mýsın málimdedi.
Sondaı-aq tártip buzýshylyqty qaıtalap jasaǵany úshin aıyppul mólsheri 20-dan 70 AEK-ke deıin (50 500 teńgeden 176 750 teńgege deıin) ulǵaıtylmaq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir