Jer qoınaýyn paıdalanýshylarǵa aǵash otyrǵyzý mindetteldi

Qazaqstanda jer qoınaýyn paıdalanýshylarǵa aǵash otyrǵyzyp, ormanǵa aınaldyrý mindetteledi, – dep Qamshy.kz aqparat agenttigi habarlaıdy.

Bul týraly QR Ekologııa, geologııa jáne tabıǵı resýrstar vıse-mınıstri Erlan Nysanbaev málimdedi.

Jańa mindetteme "QR keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly" QR zańynda kórsetilgen.

"Jer qoınaýyn paıdalanýshylarǵa ýran óndirýde ormanǵa aǵash otyrǵyzý boıynsha mindetteme berildi. Olar ózderi paıdalanǵan aýmaqtan eki ese úlken kólemde ormanǵa aınalǵansha kútip-baptaýy tıis. Odan bólek, memlekettik orman qorynyń jeri paıdaly qazbalar óndirý sýbektilerine aýysqanda, bul ýchaskeden 2 ese úlken aýmaqqa orman daqyldaryn otyrǵyzyp, 3 jyl kútip-baptaý mindettemesi kózdelgen", – dep Erlan Nysanbaev Ortalyq kommýnıkasııalar qyzmetindegi baspasóz máslıhatynda  aıtty.

Eske salsaq, Prezıdent Qasym-Jomart Toqaev "QR keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly" QR zańyna qol qoıdy.