• USD 468.56

  • EUR 497.56

  • RUB 7.3

  • CNY 67.18

29 Naýryz, 13:28:13
Almaty
+35°

QR UQK terrorızmge qarsy ortalyq bastyǵynyń orynbasary Sergeı Shveıkınniń aıtýynsha, Qazaqstanda destrýktıvti aǵymdy ustanatyndardyń sany 20 myńnan asady, dep habarlaıdy QazAqparat.

«Ártúrli alańda álemdegi terrorıstik belsendiliktiń ósip bara jatqany atalyp ótken bolatyn. Jer jahannyń túkpir-túkpirindegi lańkestiktiń tyıylmaı, údeýi soǵan dálel bola alady. Málimetterge súıensek, HHI ǵasyrdyń basynan beri álemde 72 myńnan astam terakt bolyp, odan 170 myńdaı adam kóz jumǵan. Kóp jaǵdaıda olar radıkaldy, dinı ıdeologııanyń yqpalymen jasalady. Internettegi úlken nasıhattyń saldarynan bizdiń jeke azamattar sheteldegi ártúrli terrorıstik uıymdarǵa qosylyp ketedi. Radıkaldy nasıhattyń qaqpanyna kózqarasy qalyptaspaǵan, dinı bilimi joq, jastyq maksımalızmi basym jastar túsip qalady. Bizdiń azamattardyń «Ál-Kaıda» quramyna kirý úshin Aýǵanstanǵa birinshi ret shyǵyp ketý jaǵdaıy 2008 jyly tirkelgen edi. 2013 jyly Qazaqstannan shyqqandardyń kóbi Sırııa men Iraka attandy. Osy kezeńge deıin shetelge 800-ge tarta Qazaqstan azamaty ótip ketken», – dedi UKQ ókili elordada ótip jatqan Qazaqstan Dintanýshylarynyń HI forýmynda.

Sergeı Shveıkınniń aıtýynsha, shetelge shyǵyp ketken qazaqstandyqtardyń kóbi kóz jumǵan. Qalǵany ustalyp, elge jetkizilgen.

«Bizdiń azamattar negizgi halyqaralyq terrorıstik uıymdardyń – DAISh pen Ál-Kaıda, Haııat Tahrır ash-Sham quramynda da júr. Qarýly jıhadqa shyǵyp ketken Qazaqstan azamattarynyń basym kópshiligi destrýktıvti ıdeologııalyq aǵymda bolǵan. Tájirıbe kórsetip otyrǵandaı, terrorıster men ekstremıster dál sol destrýktıvti aǵymdy ustanatyndardyń qatarynan shyǵady. Qazirgi tańda bizdiń esebimiz boıynsha, Qazaqstanda destrýktıvti ıdeologııany ustanatyndardyń sany 20 myńnan sál asady. Olardyń kóbi Atyraý men Túrkistan oblysynda, Qaraǵandy men Aqtóbe oblystarynda, Nur-Sultan men Almaty qalalarynda. Osyǵan baılanysty bizdiń basty mindet – dinı ahýaldy ońaltý», – dedi ol.

Aıan Bekenuly

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir