• USD 389.52
  • EUR 429.21
  • RUB 6.07
  • CNY 54.94
22 Qańtar, 12:50:23
Qazaqstan Ýkraınanyń saýda naryǵyna alańdaýly

06 Qarasha, 2019 NEWS

Qazaqstan álemdegi etnıkalyq qazaqtarǵa arnaıy kýálikter beredi

Elimizde álemdegi qazaq dıasporalaryn qoldaýdyń memlekettik baǵdarlamasy ázirlenip jatyr. Ol etnıkalyq qazaqtarǵa arnaıy kýálikter shyǵarýdy qarastyrady, – dep habarlady "Otandastar" qorynyń birinshi vıse-prezıdenti Talǵat Adýov.

Ombydaǵy Qazaqstan men Reseıdiń óńiraralyq forýmy aıasynda ótken bıznes-forýmda T.Adýov: "Dıasporalardy qoldaýdyń memlekettik baǵdarlamasy daıyndalýda. 2020 jyldyń kóktemine qaraı biz ony aıaqtaýdy josparlap otyrmyz. Memlekettik baǵdarlama el basshylyǵy deńgeıinde tanystyrylady", – dep málim etti.

Odan ózge forýmda 2020 jyldyń kókteminde "Otandastar" qory otandastar forýmyn ótkizýdi josparlap otyrǵandyǵy aıtylyp, onda memlekettik baǵdarlamanyń múmkindikteri jarııa etiletindigine toqtaldy.

"Memlekettik baǵdarlamada jaqsy tetikter bar, mysaly, qazaqtyń kýáligi. Bul sheteldegi qandastarymyzǵa Qazaqstanda saıası quqyqtardan basqa, kóptegen quqyqty bizdiń eldiń azamattarymen teń jaǵdaıda paıdalanýǵa múmkindik beretin qujat", – dedi "Otandastar" qorynyń birinshi vıse-prezıdenti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir