Semeıde Mánshúk Mámetovanyń beınesin jasaǵan aǵash músinniń tóńireginde daýly pikir týyndady. Qala turǵyndary músindegi Mánshúk Mámetova emes, «Mystan kempirge» nemese «murtty qyzǵa» kóbirek uqsaıdy dep narazylyq bildirdi.
Atalmysh músindi Altaıdan kelgen Ivan Kýrtýkov jáne onyń áıeli Iýlııa jasaǵan bolyp shyqty. Jergilikti bılik ókilderi olardy Semeıge túrli beınelerdi jasaýǵa arnaıy shaqyrǵan eken. Qos sheber jaz aıynan bastap qalanyń ártúrli jerlerinde aǵashtan janýar, dombyra, kitap syndy túrli beınelerdi jasaýdy qolǵa alǵany jóninde aıtty.
Qala turǵyndarynyń áleýmettik jelidegi narazylyǵynan keıin, aǵash músinniń avtory áleýmettik jelide tómendegideı pikirin jarııalap, turǵyndardan keshirim surady.
«Biz kúıeýimiz ekeýimiz Semeı qalasyna jergilikti ákimdiktiń arnaıy shaqyrtýymen keldik. Bastapqyda Abaıa alańyndaǵy jumystarymyzǵa halyqtyń kóńili tolǵandyqtan, bizge kóbirek usynys túse bastady. Al aǵash músinniń úlgisin jumys barysynda jasaǵan bolatynbyz. Áleýmettik jeli qoldanýshylarynyń pikirin eskere otyryp, biz jumysymyzdy alyp tastadyq. Bul úshin ókinbeımiz. Renish bildirip jatqan turǵyndardan keshirim suraımyz. Biz jumystarymyzdy ózimizben alyp ketýdi jón kórdik. » - dep jazdy Iýlııa Kýrtýkova.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir