• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:57:18
Qazaqstan Ýkraınanyń saýda naryǵyna alańdaýly

05 Qarasha, 2019 psıhologııa

Buqtyrmada qysqartýǵa ushyraǵan birde-bir adam jumyssyz qalmaıdy

Shyǵys Qazaqstan oblysy Altaı aýdanyndaǵy Buqtyrma sement zaýyty basshylyǵy qarashanyń 1-nen bastap 79 adamdy jumystan qysqartýǵa jibergen bolatyn. ShQO Aımaqtyq kommýnıkasııalar qyzmetinde ótken baspasóz maslıhatynda aýdan ákimi Nurjan Toqseıtov osy máselege qatysty málimdeme jasady.

Aýdan ákiminiń aıtýyna qaraǵanda, másele oblys basshylyǵynyń qatań baqylaýynda. Aýdan ákimdigi men jumysshylardy qysqartýǵa jibergen kompanııa basshylyǵy arasynda kelissózder júrgizilgen. Nátıjesinde qysqartýǵa ushyraǵan birde-bir adam jumyssyz qalmaıdy. Qazirdiń ózinde 11 adam jumyspen qamtylǵan. Olardyń altaýy zeınetker. Qyryq adam úsh merdigerlik – «VGS» JShS, «BSS» JShS jáne «Vk Atlant» JShS kompanııalaryna jumysqa ornalastyrylady. Al qalǵan 22 jumysshyny jumyspen qamtamasyz etý úshin kompanııa 2 kún ýaqyt surap otyr.

– Qazir osy máseleni sheshý joldaryn qarastyryp jatyrmyz. Barlyq jaǵdaı jaǵdaı oblys ákimi Danıal Ahmetovtyń basty nazarynda. Qalǵan 22 adam Buqtyrma sement zaýytynda jumysyn jalǵastyrady. Eger olarǵa usynylǵan jumys kóńilderinen shyqpaı jatsa, basqa jumys taýyp beremiz, – dedi Altaı aýdanynyń ákimi Nurjan Toqseıtov.

Aıta ketý kerek, ShQO ákimi Danıal Ahmetov feısbýk jelisindegi óz paraqshasynda oryn alǵan jaǵdaıǵa qatysty, tıisti organdar qysqartýdyń zań normalaryna sáıkestigin tekseretini jaıly jazǵan bolatyn. Apta sońyna deıin barlyq azamattar jumysqa ornalastyrylady.

– Birinshi kezekte biz adamdardyń jaǵdaıyn oılaýymyz kerek. Eshkim jumyssyz qalmaıtynyna sóz beremin. Aýdannyń ár turǵyny atqarýshy bılik tarapynan jasalatyn qamqorlyqty sezinýi kerek. Bizdiń saıasat osy, – dep túıindedi N. Toqseıtov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir