• USD 389.52
  • EUR 429.21
  • RUB 6.07
  • CNY 54.94
20 Qańtar, 07:58:23
Qazaqstan Ýkraınanyń saýda naryǵyna alańdaýly

05 Qarasha, 2019 NEWS

Bir sýret myń sózge tatıdy

Búgin О́skemende «Kıeli Altaı» fotokórmesi ótti. Esterińizge sala keteıik, onda kelýshilerdiń nazaryna usynylǵan sýretter blogtýr aıasynda túsirilgen. Blogtýr «Shyǵys-aqparat» JShS men Katonqaraǵaı aýdany ákimdiginiń qoldaýymen uıymdastyryldy.

Munda kelýshiler National Geographic, «Egemen Kazaqstan», oblystyq «Dıdar» jáne «Rýdnyı Altaı» gazetteriniń fototilshileri túsirgen týyndylardy tamashalap qaıtty. Ásirese, oblystyq «Dıdar» gazetiniń qyzmetkerleri Mereı Qaınaruly men Tileýbek Shaıahmettiń sýretterine qyzyǵýshylyq tanytqandardyń qarasy kóp boldy.

Mereı men Tileýbektiń bul basylymda qyzmet etkenderine birneshe jyl ótti. Budan bólek olar áleýmettik jelilerde Shyǵys Qazaqstannyń tumsa tabıǵatynan syr shertetin fotosýretterdi jıi salyp otyratynyn atap ótken oryndy. Tipti Mereı men Tileýbektiń «qoltańbalaryn» oblys turǵyndarymen qatar sheteldikter de tanıdy.

Fotokórmege alǵash ret jergilikti JOO-daǵy jýrnalıstıka fakýltetiniń stýdenti Elnaz Ábenǵazıeva da qatysty. Boıjetkenniń aıtýynsha, ol blogtýrǵa shaqyrtý alamyn dep múldem oılamapty. Qazylar alqasy onyń týyndylaryn joǵary baǵalap, osy týrǵa qatysýǵa usynypty. Jas fotograftyń aıtýynsha, ony ásemdigimen kóz tartatyn tabıǵattyń sulýlyǵy tańǵaldyrypty. Sóıtip, ol kıiz úıden juldyzdy aspandy fotosýretke túsirgen. Al onyń bul jumysy kórmede oń baǵasyn aldy.

Fotokórme barysynda Nurlan Búldirgen mundaı baıqaýǵa alǵash ret qatysyp otyrǵanyn atap ótti. Kórermen qaýym Nurlannyń týyndylaryna qyzyǵýshylyq tanytty.

– Fotoóner keleshekte kádeme jaraıtynyna senemin. Bolashaqta tabıǵatpen baılanysty jobany qolǵa alǵym keledi. Bul úshin biz de barlyq jaǵdar bar. Shyǵys Qazaqstanda taý da, sý aıdyndary da bar. Osy týraly barlyq elder bilýi tıis, – dedi Nurlan Búldirgen.

О́skemendegi fotokórme qarasha aıynyń 8-ine deıin jalǵasyn tabady. Uıymdastyrýshylar, oǵan ártúrli jastaǵy kórermenderdiń keletinine kámil senedi. Budan soń kórme Semeı qalasynda ótetin bolady.

a

a

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir