• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:06:11
Qazaqstan Ýkraınanyń saýda naryǵyna alańdaýly

05 Qarasha, 2019 NEWS

"Mádenı astanalar" arasyndaǵy yntymaqtastyq

Sankt-Peterbýrg úkimetiniń múshesi – ultaralyq qatynastar jáne kóshi-qon saıasatyn iske asyrý komıtetiniń tóraǵasy Oleg Kapıtanov bastaǵan reseılik delegasııa mádenı-iskerlik mıssııamen Almatyǵa keldi, dep jazady ákimdiktiń resmı saıty.

Delegasııany Almaty ákimi Baqytjan Saǵyntaev qabyldady. Ol Oleg Kapıtanovpen eki qala arasyndaǵy qarym-qatynasty damytý perspektıvalaryn talqylady. Taraptar densaýlyq saqtaý, bilim, týrızm, mádenıet jáne ShOB salalarynda yntymaqtastyqtyń «Jol kartasyn» ázirleýge kelisti.

Sonymen qatar, delegasııa «Almaty-Sankt Peterbýrg: jańa múmkindikter aýmaǵy» konferensııasyna qatysty.

Almaty qalasy ákiminiń orynbasary Erjan Babaqumarov quttyqtaý sózin aıtty. Ol mádenı sharanyń Almaty men Sankt-Peterbýrg arasyndaǵy mádenı qarym-qatynasty damytýǵa oń yqpal etetinin atap ótti.

– Qazaqstan men Reseıdi máńgilik dostyq pen baýyrmaldyqtyń Kelisimsharty boıynsha ejelgi tarıhı aıryqsha baılanys biriktiredi. Men bizdiń ózara qarym-qatynasymyzdy halyqaralyq qatynastardyń úzdik úlgisi retinde baǵalaýǵa bolady dep oılaımyn. Almaty men Sankt-Peterbýrg kórshilik qarym-qatynasty nyǵaıtýda úlken ról atqarady. Bizdiń eki qalamyz tarıhı turǵyda birine–biri uqsas jáne shyn máninde óz elderiniń mádenı jáne iskerlik ortalyqtary bolyp sanalady. Aıtar bolsaq, Almaty men Sankt-Peterbýrg arasyndaǵy baýyrmaldyq qatynasqa 20 jyldan astam ýaqyt ótti. Biz búgin yntymaqtastyqty odan ári jalǵastyrýǵa jańa serpin beretin bolamyz, – dedi konferensııaǵa qatysýshylarǵa arnaǵan quttyqtaý sózinde Almaty qalasy ákiminiń orynbasary Erjan Babaqumarov.

Almatydaǵy Reseı Federasııasynyń Bas konsýly Evgenıı Bobrov E. Babaqumarovtyń sózderimen tolyqtaı kelisti jáne Qazaqstan men Reseı birlesken jumysty odan ári jandandyrýlary tıis dep tolyqtyrdy.

–  Men jańa ǵana aıtylǵan sózdi tolyq quptaımyn, bizdiń eki memleketimiz tek strategııalyq odaqtastar ǵana emes, sonymen qatar teń turǵydaǵy seriktester. Rasynda da bizdiń ortaq ári óte baı tarıhymyz bar. Bizdiń basty mindetimiz ata-babalarymyzdan qalǵan barlyq qundylyqtardy saqtap qana qoımaı, olardy baıytý jáne ózara baılanysymyzdy jaqsartý, – dedi Almatydaǵy Reseı Federasııasynyń Bas konsýly Evgenıı Bobrov.

Ol óziniń sózinde Almaty men Sankt-Peterbýrg arasynda uqsastyqtyń kóp ekenin, al Reseı men Almaty arasyndaǵy yntymaqtastyqtyń óte tyǵyzdyǵyn atap ótti. 2018 jyly Reseı men Almaty arasyndaǵy taýar aınalymy 4,7 mlrd. dollardy quraǵan.

Sankt-Peterbýrg úkimetiniń múshesi – ultaralyq qatynastar jáne kóshi-qon saıasatyn iske asyrý komıtetiniń tóraǵasy Oleg Kapıtanov Almaty men Sankt-Peterbýrgtyń birdeı tuǵyrly alańda turǵanyn atap ótti.

– Bizdiń delegasııanyń quramynda mádenı qaýymdastyqtyń, bilimniń ókilderi, bıznesmender bar. Almatyǵa Sankt-Peterbýrgtyń eń ozyq kompanııalary keldi, mıssııa tek mádenı-tanymdyq sıpatqa ǵana emes, sonymen qatar bızneste, bilim men gýmanıtarlyq jobalarda uzaq merzimdi ári eki jaqqa da paıdaly shynaıy praktıkalyq baılanystardy ornatý, – dep atap ótti O. Kapıtanov.

Sankt-Peterbýrg mıssııasynyń delegattary Almaty ákiminiń kásibı basqarmalary basshylarymen saýda-ekonomıkalyq yntymaqtastyq áleýetin, ózara baılanys pen mektep jasyna deıingi, jalpy, qosymsha jáne kásibı bilim berý júıelerindegi birlesken jobalardy iske asyrýdy talqylady. Budan ózge, kún tártibine gýmanıtarlyq yntymaqtastyqtyń, sonyń ishinde mádenıet jáne týrızm salalaryndaǵy seriktestiktiń áleýetti máseleleri engizildi.

Mıssııa aıasynda Sankt-Peterbýrg týraly ádebıetti Qazaqstan Respýblıkasynyń Ulttyq kitaphanasyna saltanatty túrde tapsyrý rásimi jáne «Kvıntet Chetyreh» mýzykalyq ujymy men Marıınsk teatrynyń solısi Leonıd Zahojaevtyń merekelik konserti ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir