Kóshelerdi qardan tazalaý úshin myń birlikke jýyq arnaıy tehnıka daıyndaldy, dep habarlaıdy ákimdiktiń resmı saıty.

«Qazgıdromettiń» aýa raıyn uzaq merzimdi boljaýy boıynsha Almatyda qar aralas jaýyn-shashyn 5-10 qarasha jáne 23-30 qarasha aralyǵynda bolady dep kútilýde.

Qazirgi kezde qalanyń barlyq qar tazalaıtyn arnaıy tehnıkasy jumysqa 100% daıyn. Qys kezinde qar tazalaýmen 993 arnaıy tehnıka birligi jáne 1320 jol jumysshylary aınalysatyn bolady. Eger qar qalyń jaýatyn bolsa, qosymsha 150 samosval mashınalary tartylady.

Oqystan bolatyn oqıǵalardyń aldyn alý úshin joldy tazalaýǵa ketetin ýaqyt normatıvin eskere otyryp, barlyq arnaı tehnıkalar qozǵalystarynyń baǵyttary jáne bekitilgen ýchaskedegi qar tazalaý tehnologııasy boıynsha jattyǵý sabaqtary ótetin bolady.

«Almaty tazalyq» MQK qar tazalaý jumystaryn tıimdi uıymdastyrý úshin qala turǵyndary men qonaqtaryn kólikterin ruqsat etilmegen jerlerde qaldyrmaýǵa jáne joldarda bolatyn keptelisterge túsinistikpen qaraýǵa shaqyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir