Semeıde jumyssyzdyqpen kúres kúsheıtildi

Nátıjeli jumyspen qamtý jáne jappaı kásipkerlikti damytýdyń  2017-2021 jyldarǵa arnalǵan  «Eńbek» memlekettik baǵdarlamasy iske asyrý aıasynda jyl basynan jumyspen qamtýǵa járdemdesýdiń belsendi sharalarymen jumyssyzdar jáne ózin-ózi jumyspen qamtyǵandar  arasynan 5865 adam qamtyldy.

Jumyssyzdardyń básekelestigin arttyrý maqsatynda jumyssyzdardy jáne ózin-ózi jumyspen qamtyǵandardy eńbek naryǵynda suranysqa ıe mamandyqtar boıynsha kásiptik oqytý jumysy júrgizilýde. Aǵymdaǵy jyldyń basynan qysqa merzimdi kásiptik oqytýǵa 905 adam jiberildi. Oqytý  kondıter, 1-S bilimi bar EEM operatory, býhgalter jáne t. b. 30 mamandyq boıynsha júrgiziledi.

Qalalar men aýylda kásipkerlik bastamalardy qoldaý úshin ekinshi baǵyt iske asyrylýda, ol Baǵdarlamaǵa qatysýshylardy "Bastaý Bıznes" jobasy boıynsha kásipkerlik negizderine oqytýdy jáne bıznesti ashýǵa nemese bar bıznesti keńeıtýge mıkrokredıt berýdi qarastyrady. Jyl basynan "Bastaý – Bıznes" jobasy boıynsha kásipkerlik negizderin oqytý kýrstaryna 78 adam jiberildi, onyń ishinde 60 adam oqýdy aıaqtap, sertıfıkat aldy.  Jumys istep turǵan bıznesti keńeıtýge 51 qatysýshyǵa 371,7 mln teńge somasyna shaǵyn nesıe berildi. Jańa bıznes ıdeıalardy iske asyrýǵa memlekettik granttardy 78 adam aldy. 35,600 mln teńge ıgerildi.

2793 adamǵa jumysqa ornalastyrý sharalary kórsetildi, olardyń 109-i turaqty jumys oryndaryna ornalastyryldy.

Maqsatty toptarǵa kiretin jumyssyzdardy jumysqa beıimdeýge jáne belsendi áleýmettik qoldaý úshin arnalǵan "áleýmettik jumys orny" baǵdarlamasy jumys isteıdi. Áleýmettik jumys oryndaryna 300 adam jumysqa ornalastyryldy.  Qatysýshylardyń ortasha aılyq jalaqysy aıyna 64977 teńgeni qurady (2018 jyly – 57336), qatysý uzaqtyǵy 1 jylǵa deıin.

Eńbek naryǵyndaǵy jaǵdaıdy ońaltýǵa qoǵamdyq jumystardy uıymdastyrý jaqsy áser etti, olar ýaqytsha jumyspen qamtylýdy ǵana emes, sonymen birge jumyssyzdardyń jumysqa degen belsendiligin arttyrýǵa oń áserin tıgizedi, aldyn ala kásibı daıyndyqty qajet etpeıdi. Qoǵamdyq jumystarǵa 593 adam jumysqa ornalastyryldy. Jumyssyzdar qala men aýyl óńirlerin abattandyrý, balalardyń bos ýaqytyn uıymdastyrý, qujattarmen jumys isteý jáne basqa jumystaryna qatysty. Qatysýshylardyń eńbekaqysy aıyna 42500 teńgeni quraıdy, qatysý uzaqtyǵy 1 jylǵa deıin.

"Jastar tájirıbesi" joǵary oqý oryndary men kásiptik-tehnıkalyq mekemelerdiń túlekterin jumyspen qamtý problemasyn tabysty sheshýi. Ol túlekterge mamandyǵy boıynsha bastapqy tájirıbe jáne jumys daǵdylardy alýǵa múmkindik beredi, bul keıinnen olardyń turaqty jumys oryndaryna jumysqa ornalasý múmkindikterin arttyrady. Bıyl jastar tájirıbesine oqý oryndarynyń 475 túlegi jiberildi. Qatysýshylardyń ortasha aılyq jalaqysy 63125 teńgeni qurady. Qatysý uzaqtyǵy 6 aıdan aspaıdy.

Eńbek resýrstarynyń utqyrlyǵyn arttyrý aıasynda Almaty, Qyzylorda jáne Túrkistan oblystarynyń jumys kúshi mol óńirlerinen 27 otbasy (49 adam) jáne О́zbekstannan 1 oralman qonys aýdardy. Kóshýge 4,596 mln teńge sýbsıdııa tólendi, turǵyn úı jaldaý (jaldaý) boıynsha shyǵyndardy óteýge jáne kommýnaldyq qyzmetterdi tóleýge – 11,677 mln. teńge.

Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan  «Eńbek» memlekettik baǵdarlamasynyń iske asyrylýy qalanyń eńbek naryǵyna oń áserin tıgizdi. 2019 jyldyń 31 qarashasyna qalanyń tirkelgen eńbek naryǵynda jumyssyzdar sany ótken jyldyń sáıkes merzimimen salystyrǵanda 40,4%-ǵa tómendep 1693 adamdy qurady.

Semeı qalasynyń aqparattyq ortalyǵy