"Ońbaı qatelestik": DAISh quramynda snaıper bolǵan jigittiń oqıǵasy

Baqtııar Ibraev – Aýǵanstanda birneshe jyl soǵysyp, keıin Sırııada snaıper bolǵan Qazaqstan azamaty. Terrorıstik uıymnyń qatarynda bolǵan ol elge oralǵan soń memleketten keshirim surady. Bul týraly ">Adil ukim YouTube-arnasyna bergen suhbatynda aıtty.

Baqtııar –  bes balanyń ákesi. Nur-Sultanda týyp-ósken. Joǵary bilimi bar. Mektepten keıin dinge betburyp, meshitke bara bastaǵan.

"Basynda namaz oqymadym, Artemniń qasyndaǵy meshitke baryp, hadıs tyńdap júrdim. Meshitte júrgende baıqaǵanym, jastardyń kóbi namazdy sál basqasha oqıdy. "Ýahabshylar" deıdi ǵoı, solar bolyp shyqty. Namaz oqý kerek, áıelder jabylý kerek deıdi. Men de ózimdi solaı elestetip, sondaı jer izdedim. Ol jerge barǵan soń  neshe túrli jamaǵattardy  kórdik. Sol jamaǵattyń bireýine ózim de kirdim. Aqıdalary, túsinikteri basqasha bolyp shyqty. Olar – sýfıster bolyp shyqty. Kim ólim izdedi, men shahıd bolamyn, jánnatqa baramyn degenderdiń barlyǵy boldy", – deıdi ol.

Baqtııar páterlerde ótkenn túrli jınalystarǵa únemi qatysyp júrgen. Onda jınalǵandar bılikke qarsy shyqqan. Olar halıfatty – memlekettiktiń jalǵyz formasy, sharıǵatty – jalǵyz zań normasy retinde qarastyrǵan. Osylaısha, olardyń yqpalymen 2011 jyly Aýǵanstanǵa kóshedi. Keıinnen Vazırıstanda "Islam jıhadynyń odaǵy" qozǵalysyna qosylady. Odan keıin Aýǵan modjahedteriniń qatarynda 4 jyl boıy soǵysqan.

Osy  ýaqyt aralyǵynda  jary hadjab kıgen, biraq balalary medresege barmaǵan. О́ıtkeni, Ibraev medresede pedofılder kóp boldy degen túsinikte bolǵan.

DAISh (Qazaqstanda tyıym salynǵan) "Islam memleketin" quratynyn habarlaǵan kezde ol otbasymen birge Sırııaǵa kóshedi. Odan keıin Rakka qalasynda 8 aı turady.

Sondaı-aq suhbat barysynda Ibraev soǵysta júrip túrli qarý ustaǵanyn aıtty. О́ziniń sózinshe, DAISh quramyna ol snaıper retinde qosylǵan.

"Kalashnıkov avtomaty boldy basynda. Keıin M16 qarýyn ustadym. Kózdeýishi bolatyn, túngi kórý qurylǵylaryn qosýǵa bolady", – deıdi.

2017 jyly AQSh pen onyń odaqtastary sodyrlarǵa shabýyldaı bastaǵan. Sol kezde Ibraevtyń uly jaryqshaqtan jaraqat alyp, Baqtııardyń ózi kúrdterdiń qolyna tutqynǵa túsken.

"Tanys otbasylar boldy, olar mınadan jarylyp ketti. Sondaı-aq barlyq aýdanǵa bombalar túse bastady. Sonyń ar jaǵynda Iran áskeri turdy. Biraq amerıkalyqtarǵa jaqyndatpaıtyn. Áıelderdi palata qalashyǵyna, bizdi túrmege alyp ketti", – deıdi ol.

Baqtııar Ibraev –  "Jýsan" arnaıy operasııasymen elge Sırııadan qaıtarylǵandardyń biri. Oǵan "terrorıstik toptyń áreketine qatysý" jáne "terrorıstik áreket uıymdastyrý maqsatynda adam jınaý" boıynsha aıyp taǵyldy.

"Áke-sheshemnen ǵana emes, úkimetten de keshirim suraǵym keledi. Sebebi, men Qazaqstan azamatymyn. Ońbaı, qatelestik. Bala-shaǵamnyń eger bireýi qaza tapsa, ózimdi keshire almaýshy edim",  – dep ókinedi Ibraev.