• USD 468.56

  • EUR 497.56

  • RUB 7.3

  • CNY 67.18

29 Naýryz, 14:07:27
Almaty
+35°

Úkimet úıinde QR premer-mınıstriniń orynbasary Berdibek Saparbaev ana men bala ólimin azaıtý máselelerine arnalǵan selektorlyq keńes ótkizdi, – dep Qamshy.kz aqparat agenttigi habarlaıdy.

 Keńes barysynda Densaýlyq saqtaý vıse-mınıstri Kamaljan Nadyrov aǵymdaǵy jaǵdaı men qabyldanyp jatqan sharalar týraly baıandady. Onyń málimdeýinshe, sońǵy úsh jyldaǵy dınamıkany taldaý elimizde ana ólimin tómendetý úrdisiniń joqtyǵyn kórsetedi. Kórsetkishterdiń ósýi Almaty, Qaraǵandy jáne Shyǵys Qazaqstan oblystarynda baıqalady. Odan ózge sońǵy úsh jyl ishinde náresteler ólimi 4 paıyzǵa artqany belgilengen. О́ńirler turǵysynan dınamıkanyń asa ósýi Atyraý, Mańǵystaý jáne Aqtóbe oblystarynda baıqalady. Júkti áıelder men balalarǵa medısınalyq kómektiń sapasyn arttyrý maqsatynda ana men bala ólimin azaıtý boıynsha josparlar júzege asyrylýda, olardyń negizgi baǵyttary – kadrlarmen qamtamasyz etý, materıaldyq-tehnıkalyq jaraqtandyrý, medısınalyq kómekti standarttaý, sıfrlandyrý jáne halyqpen aqparattyq jumys júrgizý.

"Alaıda, monıtorıng atalǵan sharalardy óńirlerdiń jetkiliksiz oryndaǵanyn kórsetedi. Máselen, Almaty oblysynda málimdelgen 34 anestezıolog-reanımalog dárigerdiń tek 10 mamany, Qaraǵandy oblysynda 29 mamannan tek 1, Aqmola oblysynda 30 mamannyń tek 4-i, Mańǵystaý oblysynda 15 mamannyń tek 1-eýi tartylǵan. Túrkistan men Shyǵys Qazaqstan oblystarynda qajettilik bolǵannyń ózinde neonatolog dárigerler tartylmaǵan. Al Qostanaı oblysynda 9-dan 2-i ǵana", – dedi Nadyrov.

bala ólimi

Vıse-mınıstrdiń aıtýynsha, birqatar óńirde balalar uıymdaryn medısınalyq jabdyqtarmen qamtamasyz etýdiń tómen deńgeıi baıqalady. Atap aıtqanda, olar – Qyzylorda, Jambyl, Batys Qazaqstan oblystary jáne Almaty qalasy. Odan ózge keńeste tegin medısınalyq kómektiń kepildendirilgen kólemi aıasynda medısınalyq mekemelerdiń dári-dármekter boıynsha qaryzyn óteý máseleleri talqylandy.

"SK-Farmasııa" JShS basqarma tóraǵasynyń mindetin atqarýshy Berik Sháriptiń aıtýynsha, elimizdiń medısınalyq mekemeleriniń biryńǵaı dıstrıbıýtor aldyndaǵy jalpy qaryzy 19,5 mıllıard teńgeni qurady, onyń 17 mıllıard teńgesi – bıylǵy kelisimshart boıynsha. 

Sondaı-aq, Atyraý, Qostanaı, Almaty, Qaraǵandy, Túrkistan oblystary, Nur-Sultan, Almaty jáne Shymkent qalalary ákimderiniń orynbasarlary beınekonferensııa baılanysy arqyly keńeske qatysyp, sóz sóıledi. 

Baıandamalardy tyńdaǵannan keıin Berdibek Saparbaev birqatar naqty tapsyrmalar berdi.

Vıse-premer medısınalyq qyzmetter salasyndaǵy azamattardyń shaǵymdaryna ýaqytyly jaýap berýdiń, bilikti kadrlardy daıarlaý jáne medısına qyzmetkerleriniń biliktilikterin úzdiksiz arttyrýdyń, materıaldyq-tehnıkalyq jaraqtandyrýdyń, júkti áıelderdiń tizilimin júrgizýdiń, ana men bala ólimin azaıtýdyń mańyzdylyǵyn atap ótti.

"Bizdiń mindetimiz – azamattardy qajetti dári-dármektermen ýaqytyly qamtamasyz etý. Eshqandaı aqtalý, syltaýlar bolmaýy kerek! Densaýlyq saqtaý mınıstrligi ákimdiktermen birge osy jyldyń 1 jeltoqsanyna deıin jınaqtalǵan qaryzdardy ótep, tıisti kesteni jasaýy kerek. "SK-Farmasııa" kelesi jyly dári-dármekterdiń úzdiksiz jetkizilýin qamtamasyz etýi kerek. О́tken jyldardaǵy barlyq jiberilgen qatelikter 2020 jyly qaıtalanbaýy kerek. Osy máseleni pysyqtap, túbegeıli toqtatyńyzdar!", –  dep  sózin túıindedi Saparbaev.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir