• USD 405.77
  • EUR 457.91
  • RUB 5.77
  • CNY 57.42

05 Qarasha, 2019 NEWS

Kóp balaly analar bıznes bastaý úshin jarty mıllıon teńge ala alady (vıdeo)

Kóp balaly analar bıznes bastaý úshin jarty mıllıon teńge ala alady dep habarlaıdy Qamshy.kz aqparat agenttigi astanatv.kz saıtyna silteme jasap.

Joba "Eńbek" memlekettik baǵdarlamasy aıasynda júzege asyrylyp jatyr. Jumyspen qamtý ortalyqtary járdemaqy tóleýmen qatar, qyz-kelinshekterdi  jumysqa ornalastyrýǵa  nemese arnaıy kýrstarda jańa kásipti ıgerýge kómektesedi. Olar oqý barysynda bıznes júrgizý negizderin úırenedi. 

Halıda Mahmýtova bes balany tárbıelep otyrǵan ana. Ol Almaty qalasy Naýryzbaı aýdany ákimdiginiń qoldaýymen "kóp balaly analar" qoryn ashty. Qazir oqý kýrsatynan ótip, tabys tabýdyń tıimdi joldaryn alý máseleleri boıynsha áıelderge keńes beredi. Halıdanyń ózi de memlekettiń qoldaýynyń arqasynda otbasyn asyrap otyrǵan jandardyń biri.

Halıda Mahmýtova, kópbalaly ana: Memleketten kórsetilip jatqan qoldaý men sııaqty bes balasy bar ana úshin úlken kómek.   Memleket bólgen qarajatty balarymnyń ıgiligi úshin jumsadym. Qazir biri aǵylshyn tilin kýrsyna barsa, ekinshisi fýtbol úıirmesine qatysyp júr.

Kóp balaly ana jaqyn arada qaıtarymsyz grantqa ıe bolýy múmkin. Oqýdy aıaqtaǵan soń, memleket tarapynan jarty mıllıon teńge kóleminde aqsha bólinbek. Bolashaqta ol massajıst mamandyǵyn ıgerip, jeke medısınalyq kabınet ashýdy armandaıdy.

Halıda Mahmýtova, kópbala ana: "Atameken" ulttyq kásipkerler palaty "Bıznes bastaý" jobasy boıynsha massajıst mamandyǵyn oqyp shyqtym. Bıznes-trenerler bizdi kásipkerlik negizderin oqytyp, marketıngti qalaı jasaý kerektigin úıretti. Sondaı-aq stıpendııa da aldym.  Oqýdy aıaqtaıtyn kezde ózimizdiń júrgizgimiz kelgen kásip boıynsha bıznes josparymyzdy qorǵadyq.

Almatylyq Anar Qylysheva úsh balany jalǵyz tárbıelep otyrǵan ana. Jalǵyzbasty ana osy ýaqyt deıin jumyssyz bolypty. Biraq ol Jumyspen qamtý ortalyǵynyń  qyzmetkerlerine júgingennen soń jaǵdaı ózgergen. Mamandar Anardy «baqylaýshy-kassır» mamandyǵy boıynsha qysqa merzimdi kýrsqa jiberdi. 16 759 teńge kóleminde shákirtaqy alady. Budan bólek memleket tarapynan balalaryna ataýly áleýmettik kómek tólenedi.

Anar Qylyshova, jalǵyzbasty ana: 3 aı kýrs oqydym.Qazirde oqyp jatyrmyn «Interprınt» degen. Ol jerde «Kontroler-kassır» mamandyǵyn oqyp jatyrmyn. Olar ózderi oqytamyz, jumysqa ornalastyramyz dedi. Meniń oqyp jatqan oqýym, jasap jatqan jumysym bári jaqsy.   

Almatyda ataýly áleýmettik kómek alatyn 11 736 otbasy bar. Tólemderdiń arqasynda kóp balaly ata-analardyń materıaldyq jaǵdaıyn retke keltirýge múmkindik týdy. Jumyspen qamtý ortalyǵy memlekettik qoldaýǵa ıe bolýdy da usynady. "Eńbek" baǵdarlamasy aıasynda almatylyqtardy jumysqa ornalastyrady, kásibı kýrstarda oqytady jáne olarǵa bıznesti damytý úshin qaıtarymsyz granttar beredi. Aıta keterlik jaıt, 2020 jyldan bastap kóp balaly analarǵa tabys deńgeıine qaramastan bala basyna 10 myń teńge kóleminde járdemaqy tólenbek. Sonymen qatar, jumyspen qamtý ortalyǵyna habarlasyp, áleýmettik kómek alyp qana qoımaı, kóp balaly jáne az qamtylǵan azamattar ózderi tabys tabýǵa múmkindik alyp, materıaldyq jaǵdaıdyn jaqsarta alady. Otbasy quramynda joǵary oqý oryndary men kolledj stýdentteri  bolǵan jaǵdaıda, olar jastar praktıkasyna qatysýǵa shaqyrylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir