• USD 389.52
  • EUR 429.21
  • RUB 6.07
  • CNY 54.94
30 Qańtar, 04:13:39
Qazaqstan Ýkraınanyń saýda naryǵyna alańdaýly

01 Qarasha, 2019 NEWS

Almatynyń MÁMS engizýge daıyndyǵy sóz boldy

О́ńirlik shtabtyń otyrysynda Almaty ákimi B. Saǵyntaevtyń tóraǵalyq etýimen, QR densaýlyq saqtaý mınıstri E. Birtanovtyń qatysýymen mindetti áleýmettik medısınalyq saqtandyrý máseleleri talqylandy, dep jazady ákimdiktiń baspasóz qyzmeti.

MÁMS jumysynyń bastalýyna eki aı merzim qalǵanda qala turǵyndaryn tolyq qamtýǵa, barlyq medmekemelerdiń aqparattyq júıesin biriktirýge, almatylyqtardyń mártebesin anyqtaýǵa qatysty barlyq máselelerdi sheshý qajet.

«Árbir qala turǵynynyń MÁMS týraly habardar bolýy mańyzdy. Sonymen qatar, ózdiginen eńbekke qamtylǵandarmen jumysty jandandyrý jáne jumyssyzdardy tartý qajet. Qalǵan ýaqytta medısına qyzmetkerlerimen jáne emhanalarmen jumysty barynsha kúsheıtken jón», - dep atap ótti B. Saǵyntaev.

Eljan Birtanov habarlaǵandaı, áleýmettik medsaqtandyrý júıesi engizilgende Almaty boıynsha medısınalyq kómekti qarjylandyrý 2020 jyldyń 1 qańtarynan 1,5 esege ulǵaıady.

«Onyń ústine qalpyna keltirý úshin emdeý men pallıatıvti kómek kólemi 7,5 ese, konsýltatıvti-dıagnostıkalyq kómek 6,7 ese, stasıonarlyq aýystyrý kómegi 2,3 ese artady», - dep atap ótti mınıstr.

Resmı málimet boıynsha búgingi kúni qala turǵyndarynyń 95,7%-y shartty túrde MÁMS júıesi boıynsha saqtandyrylǵan. Almatynyń qalǵan turǵyndary osy júıege qatysýshy barlyq medısınalyq uıymdarǵa qoıylatyn tólem termınaldary arqyly ózderi jeke jarna tólep, medsaqtandyrý júıesi boıynsha medısınalyq kómekti alýyna bolady.

MÁMS engizýge qalanyń tehnıkalyq daıyndyǵy joǵary: Almatynyń medısına uıymdaryndaǵy barlyq jumys oryndary kompıýterlik tehnıkamen jabdyqtalǵan, barlyq memlekettik medısına mekemelerine qajetti aqparattyq júıeler engizilgen. Medısınalyq qyzmetti jeke kórsetetinder arasynda aqparattyq júıemen jaraqtaný ázirshe 66%-dy quraıdy jáne bul baǵyttaǵy jumys eki aıdyń ishinde aıaqtalýy tıis.

«Áleýmettik medısınalyq saqtandyrý qory» QEAQ basqarma tóraǵasy Aıbatyr Jumaǵulovtyń aıtýynsha, qazirdiń ózinde saqtandyrýdy oıdaǵydaı engizý jónindegi jumys jasalǵan, medısınalyq qamtýdyń úsh deńgeıli júıesi bekitilgen, negizgi aqparattyq sheshimder daıyn.

Almaty ákiminiń orynbasary Erjan Babaqumarov mindetti áleýmettik medısınalyq saqtandyrýdy engizýdiń tıimdiligin arttyrý maqsatynda júıeli jumystardyń júrip jatqanyn atap ótti.

«Medısınalyq kómektiń sapasy men halyqqa qoljetimdiligin qamtamasyz etý jáne tegin medısınalyq kómektiń kepildemeli kólemin kórsetýge jeke sektordy tartý úshin barlyq jaǵdaılar jasalýda», - dedi E. Babaqumarov.

Búgingi kúni Almatyda sýbektiler málimeti bar bazada medısınalyq qyzmet kórsetýge úmitkerler qatarynda 572 medmekeme bar. Olardyń 78-i memlekettik, 179-y jekeshelik. Tegin medısınalyq kómektiń kepildemeli kólemin kórsetý úshin 178 medısınalyq uıymmen kelisimshart jasaldy. Olardyń barlyǵyna medısınalyq aqparattyq júıe engizilgen. Jeltoqsanǵa deıin Biryńǵaı jıyntyq tólemmen birigý isi aıaqtalýy tıis.

Jalpy, densaýlyq saqtaý mınıstriniń aıtýynsha, aǵymdaǵy jyldyń sońyna deıin qyzmet kórsetýdiń bólek esebin júrgizýge jáne áleýmettik medısınalyq saqtandyrý Qorynan saqtandyrylǵan mártebesi boıynsha aqparat alýǵa barlyq medısınalyq aqparattyq júıeler daıyn bolýy tıis. MÁMS engizý úshin aqparattyq júıelerdiń daıyn bolýy óte mańyzdy.

Kezdesý kezinde almatylyqtar arasynda júrgizilgen saýalnamanyń nátıjesi keltirildi, ol turǵyndardyń áleýmettik medısınalyq saqtandyrýdy engizý týraly jaqsy habardar ekenin jáne júıeni engizýdi quptaıtyndar deńgeıiniń 60%-ǵa jýyqtaǵanyn kórsetti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir