• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:51:57
Qazaqstan Ýkraınanyń saýda naryǵyna alańdaýly

01 Qarasha, 2019 NEWS

Sıfrlyq tehnologııany qoldaý men damytý úshin IT-keńes qurylady

Almaty ákimi B. Saǵyntaev IT-qoǵamdastyǵymen kezdesýde salany qoldaý men damytý máselelerin talqylady, sonymen qatar arnaıy keńes qurylatyny týraly habarlady. Bul jóninde ákimdiktiń baspasóz qyzmeti málimdedi.

Eki saǵat shamasyna sozylǵan kezdesýde IT-salasyn damytýǵa qatysty máseleler men usynystar, megapolıs ekonomıkasynda onyń úlesin arttyrý týraly sóz boldy.

Elektrondy kommersııamen, onlaın-servıspen, rıteılmen, logıstıkamen, fıntehpen, kólik mobıldiligimen, bilim jáne ınvestısııamen aınalysatyn sıfrlyq kompanııalar ókilderi osy salanyń ekojúıesin odan ári qalyptastyrýdaǵy óz oılaryn aıtty.

Basty máseleniń biri – kadrlardyń jetispeýshilgi. Vıdeobaqylaý júıesin jasaýshy Qaırat Ahmetov bul máseleni sheshý úshin «Alataý» PIT AEA stýdentterdiń kampýsyn ashýdy, fınteh-maman Rýslan Omarov joo-da stýdenttik zerthanalardy ashýdy usynsa, al Jambyl Revshanovtyń kompanııasy Almatyda halyqaralyq IT- mektebin ashýdy nıet etýde.

Kezdesýge qatysýshylardyń barlyǵy salany tıimdi retteý, qoldaýdyń túsinikti erejesin jasaý jáne sıfrlandyrýda jeke bıznesti damytý týraly aıtty.

IT-qoǵamdastyqtyń barlyq ókilderin tyńdaǵan Almaty ákimi aqparattyq tehnologııa salasynda Iskerlik keńeske balama retinde arnaıy keńes qurý jónindegi usynysty qoldady.

– Jaqynda ótken keńeste Prezıdent Q.-J. Toqaev megapolıstiń barlyq salasynyń tynys-tirshiligin sıfrlandyrý boıynsha jumysty jandandyrýdy tapsyrǵan bolatyn. Sondyqtan bizge sizderdiń kómekterińiz mańyzdy. Qurylatyn IT-keńes aıasynda aı saıyn bir ret kezdesemiz, naqtyly máselelerdi qoıamyz jáne olardyń sheshimderin tabatyn bolamyz. Eń bastysy, keńes IT–salany damytý úshin jaıly jaǵdaılar jasaýdyń tıimdi alańy bolýy tıis, – dedi B. Saǵyntaev, barlyq qajetti sheshimderdi sala sarapshylarynyń qabyldaıtynyn atap ótti.

Ákimdik ınfraqurylymdy qurýǵa, barlyq múddeli taraptardyń is–qımylyn úılestirýge kómektesetin bolady. Qala ekonomıkasynyń qurylymynda sala úlesiniń barynsha mańyzdy bolýy mindeti tur.

B. Saǵyntaevtyń pikirinshe, Almaty osy salada álemdegi eń ınnovasııaly jáne ilgeri jyljyǵan qalalardyń biri bolýy tıis. Ol úshin barlyq múmkindikter, eń bastysy – baı adamı kapıtal bar. Ǵylymı-zertteý ortalyqtary men joo-nyń áleýetin paıdalaný qajet.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir