04 Qarasha, 2019 Barlyq aımaqtar

«Ejelgi Rım» oqıǵasy. Qazaq balasyn óltirgen armıandarǵa úkim shyqty

Jyl basyndaǵy qańtar aıyndaǵy qandy oqıǵany eshkim umyta qoıǵan joq

Jyldyń basynda «Ejelgi Rım» meımanhanasynda bolǵan adam óliminen keıin bastalǵan sotaldy tergeý jumystary aıaqtalyp, búgin   kinálilerge úkim shyqty, dep jazady Qamshy.kz aqparat agenttigi. 

Atap aıtar bolsaq, Jańa jyl túni «Ejelgi Rım» meımanhanasynda toptyq tóbelestiń saldarynan qazaq balasy Janseıit Rahymjan jan tapsyrǵany belgili.

Sonymen buzaqylyq jasap, kisi ólimine alyp kelgen oqıǵaǵa basty kináli kim? Sot sheshimimen Iýsıf Nýrýlý  kináli dep tanylyp, ol 19 jylǵa sottaldy. Ol óz aıybyn ortasha dárejedegi qylmystyq atqarý júıesinde óteıdi. Sondaı-aq osy oqıǵaǵa qatysty kinálilerdiń taǵy biri Narek Gýrýıandy áli kúnge deıin ustaý múmkin bolmaı otyr. О́ıtkeni ol Reseı aýmaǵyna qashyp ketken. Biraq 9 qańtar kúni ol Omby oblysynyń aýmaǵynda ustalynǵanymen, qylmysker áli Qazaqstanǵa jetkizilgen joq. Biraq oǵan qatysty qylmystyq oqıǵa áli de bólek qaralatyn bolady. Jazasyn alǵan armıandar merzimin ótep bolǵan soń, 5 jylǵa deıin Qazaqstanǵa kirgizilmeıdi.

Sonymen bir adam qaıtys bolyp, úsh adam dene jaraqatyn alǵan oqıǵaǵa qatysty qylmystyq iske núkte qoıyldy. Atap aıtar bolsaq, 12 jigittiń qylmystyq iske qatysy bar delinip, olar jazasyn aldy. Eń úlken jaza merzimi -19 jyl. Odan keıingileri 3-4,6 jyl aralyǵynda qaýipsizdigi orta dárejedegi qylmystyq atqarý júıesinde jazasyn óteıdi.

Sondaı-aq buzaqylyq jasaǵan taǵy eki armıan qylmystyq jazadan bosady. Olar japa shekken tarappen bitimge kelip, materıaldyq shyǵyndy ótep bergen.

Eskerte keteıik, 1 qańtarǵa qaraǵan túni bolǵan toptyq tóbelestiń saldarynan Iýsıf Nýrýgý Janseıit Rahymjanǵa pyshaq siltep, sýyq qarý balanyń baltyryndaǵy qan tamyryn qıyp ketkeni belgili. Ekinshi ret pyshaq siltengende onyń  ushy qazaq balasynyń ókpesine baryp tıgen. Qannyń kóp ketýi saldaryna Janseıit Rahymjan sol zamatta kóz jumǵan.

Qaraǵandyny dúr silkindirgen atalǵan qandy oqıǵaǵa qatysty qańtar aıynyń basynda qazaq belsendileri jınalyp, kinálilerdi jazalaýdy talap etkeni áli umytyla qoıǵan joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir