Ziltemirshi Chınshanlo Belarýs týrnırinde 200 kelini baǵyndyryp, qola medal ıelendi

Ziltemirshi Zýlfııa Chınshanlo Belarýste ótip jatqan halyqaralyq týrnırde úshinshi oryn aldy. Ol qossaıys qorytyndysy boıynsha 200 kelini baǵyndyrdy, dep habarlaıdy Aýyr atletıka federasııasy.

Sportshy 55 kelige deıingi salmaq dárejesi boıynsha óner kórsetti. Atlet julqa kóterýde 85 kelini, al serpe kóterýde 115 kelini baǵyndyrdy.

Alexander Cup týrnıri Grodno qalasynda 1-5 qarasha aralyǵynda ótedi. Bul Tokıodaǵy Olımpıada oıyndaryna irikteıtin kvalıfıkasııalyq shara. Tórt jylda bir uıymdastyrylatyn basty sport jarysyna ótý úshin úsh júzge jýyq atlet baq synaýda.

Qazaqstandyq aýyr atletter:

·         Nıjat Rahımov - 81 kg deıingi salmaq dárejesi;

·         Denıs Ýlanov - 81 kg deıingi salmaq dárejesi;

·         Igor Son - 55 kg deıingi salmaq dárejesi;

·         Zýlfııa Chınshanlo - 55 kg deıingi salmaq dárejesi;

·         Ekaterına Bykova - 71 kg deıingi salmaq dárejesi;

Zýlfııa Chınshanlo úlken sportqa 2018 jyly oraldy. Ol eki jylǵa sporttan shettetilgen bolatyn. Sondaı-aq, ziltemirshi dopıng daýy saldarynan 2012 jylǵy jazǵy Olımpıada oıyndarynyń altyn medalinen aırylǵan edi.

sputniknews.kz