Qyzylsaı aýylyna 60 jyl

Mańǵystaý munaıyn óndirýshilerdiń alǵashqy qonysy, qasıetti qarashańyraǵy dep atalyp kelgen Qyzylsaı aýylyna 60 jyl tolyp otyr. Jańaózenniń qala bolyp qalyptasýynyń bastaýy bolǵan aýyldyń búginde ajary artyp, shaǵyn qalashyqqa aınaldy. Merekelik keshke oraı mádenıet úıinde «Altyn besik-Qyzylsaı» atty saltanatty jıyn ótti. Mańǵystaý oblysynyń ákimi Serikbaı Trumov aýyldyń áleýmettik-ekonomıkalyq damýyna úles qosqan azamattarǵa alǵys hat pen merekelik tósbelgiler tabystady.

- 1958-59 jyldary ańyzaq ıen dalada 20 shaqty januıa jertólelerdi qonys qylyp, munaı óndirisiniń alǵashqy qarlyǵashtary retinde jańa eldimekendi ómirge ákelgen bolatyn. Búginde 5500-deı turǵynǵa qutty meken bolǵan Qyzylsaı aýyly – keshegi el yrzyǵyn abyroımen jıǵan aǵa-ákelerdiń, apa-analardyń mańdaı teriniń, eren eńbeginiń ólshemi. О́zenniń oıyna sý aǵary jalǵasyp jatqan tereń saıdy «Qur Qyzylsaı», qazirgi el qonystanyp otyrǵan, kezinde on-on bes úı barlaýshylar kelip qonystanǵan saıdy «Sýly Qyzylsaı», al sý aǵary anaý «Aqmolaǵa» qaraı baǵyttalǵan saıdy «Jaman Qyzylsaı» dep qarııalarymyzdyń atap ketken mekeni búginde bereke artyp, túgel bir qalaǵa bergisiz eldi mekenge aınaldy. Dál osy qarashańyraqta tereń bilim, týma talant, aýyldyń aýasymen sýsyndaǵan, el basqarǵan azamattarymyz dúnıege kelgen. Endeshe, Qyzylsaı aýylynyń qut-berekesi men ajary arta bersin, - dep aımaq basshysy óziniń jyly lebizin bildirdi.