AQSh-tyń ádilet mınıstrligi ótken sársenbi kúni 51 jastaǵy Saırýs Ahsanı men 46 jastaǵy Saman Ahsanı naýryz aıynda munaıgaz kompanııalarynyń múddesi úshin shetelderde korrýpsııa jasaǵanyn moıyndady dep málimdedi.
Málimetke qaraǵanda, olar 1999- 2016 jyldar aralyǵynda Aljır, Angola, Ázerbaıjan, Kongo demokratııalyq respýblıkasy, Iran, Irak, Qazaqstan, Lıvııa jáne Sırııa elderiniń sheneýnikterimen korrýpsııalyq áreketke barǵan. Bul jóninde Reuters agenttigi AQSh prokýrorlaryna silteme jasap habarlady.
Ázirge Qazaqstandaǵy qandaı kompanııalar men sheneýniktermen kelissóz júrgizilgeni belgisiz. Qazaqstan bıligi de bul máselege túsinikteme bermedi.
Aǵaıyndy Ahsanılarǵa sot úkimi kelesi jyldyń 20 sáýirinde shyǵýy tıis. Ekeýi de bedeldi Ahsanı otbasynyń múshesi. Unaoil kompanııasynyń negizin Irannan kelgen emıgrant Atoı Ahsanı salǵan.
Pikir qaldyrý
pikir