• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:48:32
Qazaqstan Ýkraınanyń saýda naryǵyna alańdaýly

01 Qarasha, 2019

Túrkııa - qupııa men syrǵa toly memleket

Túrkııa – Ońtústik-Batys Azııada 97% jáne 3% Eýropada ornalasqan. Túrkııa memleketi 1923 jyly Osman ımperııasynyń qulaýynan keıin oryn tepti. Al eldegi eń úlken qala  – Stambýldyń negizi 667 jyly qalanǵan.

Stambýl 

Bir jylda elge 40 mıllıonnan asa týrıst keledi eken. Árıne saıahattaýshy týrıst úshin Túrkııa elinde barlyq jaǵdaı jasalǵan jáne ózindik erekshelikteri bar.

Túrkııa eline jasaǵan saıahatymda biraz qyzyqty jaıttarǵa kýá bolyp, halqynyń ómir súrý dástúri men ózindik erekshelikterimen tanystym.

Stambul

Alǵash túrik otbasyna qonaq bolyp barǵan kezde barlyǵymen eki retten qushaqtasa otyryp, jyly shyraımen qarsy aldy. Túrik ashanasy da ózindik ereksheligimen kózge túsedi. Tańǵy as ishý árbir turǵyn úshin erekshe mańyzǵa ıe. 

Stambýl

Qonaqqa ómir súrý erekshelikteri men dástúrin keńinen tanystyrady eken. Qazaqstan halqyna degen yqylastary da erekshe. Bizdegi bolyp jatqan barlyq jańalyqtarymen tanysyp, habardar bolyp otyratyndary jaıly aıtyp ótti. 

Stambýl

Túrkııanyń kez-kelgen turǵyny mysyqty erekshe qurmetteıdi jáne kútim jasap tamaqtandyrady. Bir apaı: «Bul bizdiń hanzada men hanshaıymymyz» dep ázildegeni esimde. Burynǵy kezde mysyqty záýlim saraılarda ustap, joǵary tap ókilderine syıǵa bergeni belgili.

 

túrkııa

Túrik halqynda shaı ishý dástúri keń etek alǵan. Qandaı jerde bolsyn, qaı ýaqytta bolsyn shaı ishýden bas tarta almaısyz. Túriktiń kofesi de erekshe bedelge ıe. Súleıman Sultan kezinen kele jatqan túrik sýsyndary – basqa elden keletin týrıster úshin tansyq bir dám.

Stambýl

Túrik halqy saýda jasaýmen jáne qyzmet kórsetýiniń joǵary sapasymen birden ystyq yqylasqa bólengen. Eńbekqor halyqtyń turmys-tirshiligin syrttaı baqylaǵan adamǵa erekshe áser qaldyrady. 

Stambýl

Túrkııa elinde temeki tartý aıtarlyqtaı etek alǵan eken. Kóshedegi kez kelgen turǵynnan bastap temeki tartý úırenshikti kórinis kórinedi.

Adamdary bir-biriniń esimderi aıtqannan góri «Abı», «Abla» syndy tirkesterdi jıi qoldanady. Bul da bir qurmet jáne keń etek alǵan.

Túrkııada tarıhı jerler, IýNESKO-nyń qorǵaýyna alynǵan eskertkish oryndary aıtarlyqtaı kóp. Árbir orynǵa kirýdiń ózi qaltańyzdy biraz qaǵyp, ýaqytyńyzdy da alady. Sebebi kezekte turatyn halyqtyń sany kóp jáne bılet quny arzan emes. Alaıda arnaıy Museum card syndy qosymsha jeńildik syılaıtyn kartanyń arqasynda aqshańyzdy únemdeýge múmkindik alasyz. 

stambýl

Aııa Sofııa murajaı ǵımaraty. 325 jyly ımperator Konstantınniń buıryǵy boıynsha negizi qalanǵan. Ǵımaratty 10 myń jumysker 5 jylda salyp bitirgen. 

stambýl

Belgili jazýshy Orhan Pamýk Stambýldy qupııa qala dep esepteıdi. Árbir esik, árbir kóshe, árbir kópir ózindik mán men maǵynaǵa ıe. Jazýshynyń sózinshe, Túrkııadaǵy eń tanymal jáne qupııa men syrǵa toly sultan saraıy – Topkapy. 

 Stambýl

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir