Elektr energııasy qymbattaıdy

QR UEM Tabıǵı monopolııalardy retteý komıteti elektr energııasy tarıfiniń qymbattaýy týraly málim etti, – dep Qamshy.kz aqparat agenttigi habarlaıdy.

"Energetıka salasyndaǵy ókiletti organdar  aıtqandaı, stansııalar boıynsha tarıf shamamen 15% kóterildi. 44 stansııanyń 32-si boıynsha tarıf kóterildi. Bul sońǵy tutynýshylyq baǵaǵa azdap áser etedi", – dep QR UEM Tabıǵı monopolııalardy retteý komıtetiniń tóraǵasy Asan Darbaev elordada ótken baspasóz máslıhatynda jaýap berdi.

Tóraǵanyń aıtýynsha, elektr energııasy tarıfi 6-7% kóteriledi.

"Nátıjesinde tutynýshylar úshin baǵa shamamen 6-7% qymbattaıdy. Odan artyq qymbattamaıdy. Mundaǵy sýbektilerdiń kópshiligi tarıfti kóterý jumystaryn kelesi jyly bastaıdy. Onda árbir sýbektiniń tarıfterin tekserip shyǵamyz", – dedi Darbaev.

Sondaı-aq komıtettiń tóraǵasy málimdeýinshe, elektr energııasynyń jańa tarıftik mólsherlemesi 2021 jyldan bastap kúshine enedi.