Marǵulan Seısembaı: Toqaevty qazir popýlıst deýge kelmeıdi

Qazaqstandyq kásipker, qoǵam belsendisi Marǵulan Seısenbaı memleket basshysy Qasym-Jomart Toqaevtyń Almaty qalasyna kelip aıtqan oılaryna qatysty pikir bildirdi dep jazady Qamshy.kz aqparat agenttigi Exclusive-ke bergen suhbatyna súıenip. 

Aldymen, kásipker Toqaevtyń jıynda aıtqan dúnıeleri jaı ǵana popýlıstik nárse bolyp qalmasy úshin áreketke kóshkeni jón degen oıdy alǵa tartady.

– Toqaev ońtústik astanaǵa kelip, biraz máselelerdi kóterip, eldi tańqaldyrdy. Onyń aıtqan dúnıeleri, meniń oıymsha, óte durys. Biraq ony júzege asyrý – bir bólek. Toqaevtyń popýlıst emes ekenin iske kiriskende ǵana bilemiz. Oǵan, shamamen, jarty jyldaı ýaqyt ketedi. Eger osy ýaqyttyń arasynda Toqaev aıtqan málimdemesin iske aınaldyra almasa, onda popýlıstik málimdeme jasaýshy adam retinde qalyp qalýy múmkin, – deıdi Seısenbaı.

Alaıda Toqaevty qazir popýlıst deýge kelmeıdi. О́ıtkeni Kókjaılaýdaǵy qurylysty kóktemde toqtatý turý týraly oıyn aıtyp, keıin osy joly ony toqtatýǵa tolyq buıryq berdi.

– Iаǵnı, Toqaev batyldyq tanytty. Saıasatkerdiń qandaı adam ekenin taný úshin 5 nársege mán bergen jón. Birinshi – saıasatkerdiń belgili bir máselege qatysty aıtqan oıy, ekinshisi – onyń osy máselege qatysty sheshimi bolsa, úshinshisi – is-áreketi, tórtinshisi – jasaǵan is-áreketiniń nátıjesi, besinshisi – shyqqan nátıjege kim jaýap bermek, sony anyqtaý. Mine, Toqaev osy bes kezeńniń ekeýin ótip, úshinshisine aıaq basty. Toqaev osy joly Almatyǵa kelip buıryq berip, sheshim shyǵardy. Muny ol erkekshe aıtty. Sonysy unady, – deıdi kásipker.

Endi is qaldy. Osy oraıda Seısenbaı bir qyzyq jaıtty aıta ketedi. Onyń oıynsha, eger Toqaev bul sheshimdi oryndaı almasa, halyq kináni Toqaevtan emes, «joǵarǵy jaqtan» kóretinin anyq.

– О́tken qabyldanǵan qaýlyǵa sáıkes, Toqaevtyń qabyldaǵan sheshimderdiń barlyǵyn «Kitaphana» (Nazarbaevtyń komandasy) maquldaýy tıis. Iаǵnı, faktige súıensek, Toqaev jaýapkershilikti sol jaqqa berip jiberdi. Halyq ta Toqaev ýádesin oryndaı almasa, oǵan «kitaphana» oryndatpaı qoıdy degen oı paıda bolady, – deıdi Seısenbaı.