Shymkenttegi atysqa baılanysty jelide taǵy bir vıdeo paıda boldy

Shymkenttegi dámhanada oq atqandar álide bostandyqa júr. Al oqıǵa saldarynan jaralanǵan ekeýiniń jaǵdaıy aýyr – dep Qamshy.kz aqparat agenttigi habarlaıdy, "Astana" telearnasyna silteme jasap.

Jelide oqıǵa ornynan túsirilgen kadrlar paıda boldy. Onda krımınalısterdiń jumys isteý sáti taspalanǵan.
Kadrde mamandar oq jaraqatynan jan tapsyrǵan jigittiń máıtine saraptama jasaý ústinde.

Oq 28 jastaǵy jigittiń keýde tusyna shashyraı tıgen.

Sondaı-aq qanǵa boıalǵan shaǵyn bólmede polısıler jedel túsirilim jasap jatyr. Budan bólek áýesqoı túsirilimde túsirilip jatqany baıqalady.

"Áleýmettik jelide taralyp ketken vıdeoǵa baılanysty qyzmettik tekseris júrgizilýde", – dep Shymkent polısııa departamentiniń ishki jáne syrtqy kommýnıkasııa basqarmasynyń jetekshisi Ásel Sádenov jaýap berdi.

Eske salsaq, oqıǵa 29 qazan kúni saǵat 17:30-da Shymkent qalasyndaǵy Arǵynbekov kóshesinde ornalasqan «Súndet» dámhanasynda boldy. Tamaqtaný ornyna syrttan kirgen adam kózdegen adamdaryna oq jaýdyrǵan. 4 adamǵa oq tıip, bireýi oqy ornynda jan tapsyrdy. Qylmys orynan aıǵaqtyq zat retinde avtokólikter men qarýlar alyndy.