Respýblıkalyq Elektrondy saýda alańynda Atyraý oblysy Maqat aýdanynyń ortalyǵyndaǵy záýlim meshit satylymǵa shyǵaryldy. 311 sharshy metr aýmaǵy jáne 0,3575 ga jer telimi bar nysan baǵasy – 102 020 907 teńge.
Meshitti QR Qarjy mınıstrligi Memlekettik múlik jáne jekeshelendirý komıtetiniń Atyraý memlekettik múlik jáne jekeshelendirý departamenti satyp jatyr dep jazady Qamshy.kz aqparat agenttigi azattyq-ruhy deregine súıenip.
Atyraý oblysy ákimdigi baspasóz qyzmetiniń málimetinshe, atalǵan meshit elden qashyp ketken oblystyń eks-ákimi Bergeı Rysqalıevterdiń múlikterin tárkileý kezinde memleket menshigine ótken.
Nysandy 5 jumys kúni ishinde zańdy tulǵalar óz menshigine alýǵa qulyq tanytpasa ol aýksıondyq satylymǵa shyǵarylady.
«Qazirgi tańda Maqat aýdandyq ákimdigi meshitti kommýnaldy menshikke alý máskelesin qarastyryp jatyr. Ǵımarat negizgi mindetin atqara beredi, ıaǵnı ǵıbadat jasaıtyn oryn bolyp qala beredi», - dedi oblys ákimdiginiń baspasóz qyzmeti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir