Jaldamaly páter alǵan jastardyń bolashaǵy "bulyńǵyr"

Memleketten satyp alý quqyǵynsyz, jaldamaly páterdi 5 jyl merzimge alǵan jastar baspana boıynsha basqa baǵdarlamalarǵa qatysa almaıdy, – dep Qamshy.kz aqparat agenttigi habarlaıdy.

"Osy baǵdarlama arqyly jastar jaldamaly úıdi alyp jatsa, ol úmitker baspana boıynsha eki tizimde bola almaıdy. Iаǵnı  baspana boıynsha basqa baǵdarlamalardaǵy kezekten shyǵarylady. Jaldamaly úıge ıe bolǵan azamat "7-20-25" sekildi nemese basqa da ákimdiktiń baǵdarlamasynda tursa, olardan avtomatty túrde alynyp qalady. Tek bir tizimde bolady", – dedi aqparat jáne qoǵamdyq damý mınıstrliginiń jastar jáne otbasy isteri boıynsha komıtet tóraǵasynyń orynbasary Shahmardan Baımanov elorda ákimdiginiń baspasóz ortalyǵyndaǵy brıfıngte.

Eske salsaq, 5-10 qarasha aralyǵynda elordada jumys isteıtin jastardan satyp alý quqyǵynsyz jaldamaly páter boıynsha ótinish qabyldanady. О́tinish tek elektrondy túrde Smart Astana portaly arqyly qabyldanady.