• USD 468.56

  • EUR 497.56

  • RUB 7.3

  • CNY 67.18

29 Naýryz, 00:00:52
Almaty
+35°

Ult jospary bes ınstıtýsıonaldyq reformany júzege asyrý jónindegi 100 naqty qadamnyń II -taraýy túgeldeı sot jáne quqyq júıesine arnalǵan. Bul durys ta shyǵar. О́ıtkeni Ult josparynda sot salasy tutastaı reformalanýy kerektigi aıtylǵan. Al 100 naqty qadam Ult josparynda atap kórsetilgen tapsyrmalar sońǵy jyldary qalaı júzege asyp jatyr? Sýdıalardyń qyzmeti nemese kimder sýdıa bola alady, bul saladaǵy sýdıalardyń biliktigin qalaı arttyrýǵa bolady?  Elimizdegi  sýdıalar men sot prosesterinde qandaı ózgerister oryn aldy? Ádildik izdegen azamattardyń aryz -shaǵymy qaraldy ma? Sot júıesiniń búgini qandaı, keshe qalaı boldy? Osy jáne basqa da atalǵan saýaldarǵa baılanysty  Joǵary sottyń baspasóz hatshysy Aıdos Sadýaqasovty sózge tartqan bolatynbyz. Baspasóz hatshysy bizge biraz maǵlumattar berip, sonymen qatar derekterge toly ınfografııalyq rolıkti jarııalaýdy ótindi.

Sonymen sot salasynda qandaı ózgerister bar?

Sot júıesinde sońǵy sońǵy jyldary birqatar jańashyldyqtardyń iske asqany málim. Olar týraly budan buryn da aıtqan bolatynbyz. Elbasy men Prezıdenttiń tapsyrmalaryna sáıkes sýdıalyq kadrlar quramyn jaqsartýǵa, sot sheshimderiniń sapasyn arttyrýǵa jáne biryńǵaı sot praktıkasyn qalyptastyrýǵa zor kóńil bólinýde.

Sıfrlar – artyq áńgimeni qajet etpeıdi, sondyqtan reformanyń nátıjesin ınfografıka arqyly berip otyrmyz.

Árıne, eń basty maqsat – ádildik izdegen adamdarǵa kómektesý, olardyń quqyqtary men zańdy múddelerin qorǵaý. Derekterdi taldaý nátıjesi sot júıesi men quqyq qorǵaý organdarynyń qyzmetine, sýdıalar men sot prosesterine qatysýshylardyń sanasyna oń ózgerister alyp kelgenin kórsetedi.

Eki fragmentti ǵana mysalǵa keltire keteıin:

9 aı ishinde respýblıka sottaryna kelip túsken qylmystyq isterdiń sany 2015-2018 jyldardyń uqsas kezeńimen salystyrǵanda 24%-ǵa azaıǵan. Buǵan aqtaý úkimderiniń kóptep shyǵarylýy yqpal etti. Tergeýshiler dáleldeý jaǵy kemshin bolsa, sýdıalardyń aıyptaýshylardy aqtaıtynyn bilgendikten, óz jumystaryna muqııat qaraı bastady. Sottar adamdardy qamaýǵa alýǵa, múlikterine tyıym salýǵa sanksııa berýden bas tartyp, turǵyndardyń tergeý organdaryna shaǵymdaryn qanaǵattandyrýda. Osylaısha, tergeý satysynda azamattardyń quqyqtaryn qorǵaýǵa aıryqsha mán berilýde.

2015-2018 jyldardyń uqsas kezeńimen salystyrǵanda ótken 9 aı ishinde sottarǵa azamattyq ister 32%-ǵa kem tústi. Mundaı kórsetkishke tatýlastyrý rásimderin keńinen qoldaný arqyly qol jetkizý múmkin boldy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir