• USD 389.52
  • EUR 429.21
  • RUB 6.07
  • CNY 54.94
20 Qańtar, 08:00:52
Qazaqstan Ýkraınanyń saýda naryǵyna alańdaýly

30 Qazan, 2019 NEWS

Álemdegi eń qart áıel Tánzılá Bısembeeva ómirden ozdy

Reseıdiń Astrahan ob­­ly­sy Krasnoıar aýdany Alsha poselkesinde tu­rǵan etnıkalyq qazaq Tánzılá Bısembeeva 125 jasqa qaraǵan shaǵynda dúnıeden ozdy. Ol 2016 jyldan planetadaǵy eń qart áıel adam retinde resmı tanylǵan bolatyn, dep jazady rg.ru saıty.

Marqumdy sońǵy saparǵa attandyrýǵa kelgenderdiń arasynda Krasnoıar aýdanynyń basshysy Nurǵalı Baıtemirov te bolǵan.

Tánzılá Bısembeeva 1896 jyly patshalyq Reseı zamanynda týyp, revolıý­sııany, Uly Otan soǵysyn, rejımniń, saıası kósemderdiń aýysýyn, KSRO-nyń qulaýyn, ekinshi myńjyldyqtyń kelýin kórgen.

Tán­zılá ájeı úıde 8 balanyń úlkeni bolǵan. Revolıýsııadan keıin turmys quryp, kolhozda eń­bek etedi. Uly Otan soǵy­sy bastalǵan shaqta kúıeýi maı­danǵa ketip, Tánzılá Bısembeeva ózge áıeldermen birge okop qazyp, baǵana tasyp, qara jumysua tartylady.
 
Kúıeýinen 1942 jyldan bastap esh habar bolmaǵandyqtan, soǵys aıaqtalǵan soń 52 jasynda ekinshi ret turmys qurady. Tánzılá Bısembeeva ekinshi jarynan tórt qursaq kóteredi. Tuń­ǵyshy shetinep, qalǵan úsheýi el qatarly ósip-ónedi. 3 baladan 10 nemere, 25 shóbere, 2 shópshek súıgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir